2014年8月13日 星期三

[FACE 377] 蘇志燮 FM 人人有「掌」 蘇志燮,MF,




蘇志燮在 FM下半節除去外套,晒肌晒紋身。查實志燮 oppa手臂嘅紋身係酒店圖樣。

全知言

蘇志燮 FM 人人有「掌」

本港韓迷喺暑假真係 happy,事關一班韓星排隊嚟香港同 fans見面,好似因為《主君的太陽》而成為港台唔少少女及 C9夢中情人嘅蘇志燮,上星期三就去咗九展舉行粉絲見面會,吸引 2千粉絲捧場,觀眾當然 9成係女啦。

Fan meeting上半部份主要係播片,大會播咗一條蘇志燮同韓國搞笑男星鄭俊河合拍嘅「我們不能和蘇志燮結婚的理由」短片,鄭俊河反串扮蘇志燮的女朋友,更大爆不能同蘇志燮結婚嘅秘密,坦白講,全知言有少少恰眼瞓,好彩下半部份志燮 oppa除咗件外套晒巨臂,同 hip hop組合 Soul Dive一齊 rap,全知言先成個醒番晒。 FM到尾聲,志燮 oppa仲同現場每個 fans玩擊掌,連全知言都有份呀!不過最衰大會唔畀影相,全知言無得 po facebook晒命添!

好彩下半節同 Soul Dive一齊 rap,全知言先醒番。

FM前一日,蘇志燮去咗 apm出席發布會,佢即場學主持人講廣東話:「我愛你哋。」開心死台下班女 fans。



鍾意就快D Share啦!
Related Posts Plugin for WordPress, Blogger...