2014年9月19日 星期五

[忽然1周 999] 為甚麼這麼多人讚周星馳? 周星馳,MW,




靚抽王

為甚麼這麼多人讚周星馳?

星爺(周星馳)係本地嘅喜劇泰斗,呢句當然唔係反話。不過佢演技精湛之餘,好多同佢合作過嘅導演、演員同電影公司老闆都非常重視佢,重視到就算冇機會合作,咁多年嚟都會 keep住免費宣傳佢嘅人品。近日一篇《為什麼這麼多人黑周星馳?》就成為熱話,連向太都要出嚟為星爺講嘢。今次我哋反話王就為大家回顧一下星爺嘅德行!








反話王

以反話普度眾生,八盡天下娛樂事。

眾星群撐人緣好到上天堂

響太:星爺為人好重情義

「星爺為人重情重義,全行都知啦,連劉德華都話同佢係老友。當年栢芝同佢仲有片約,要幫佢拍《少林足球》,佢不單止冇逼栢芝剃光頭,仲買咗支護髮素俾佢,認真唔話得。」

真相:向太怒插星爺無情無義,劉華唔當佢係朋友,當年逼栢芝剃頭。

梁 C號:佢唔上天堂邊個上

「我同星爺識於微時,正所謂連車都賣過俾佢呀我!拍《國產零零漆》時我哋終於有機會合作。佢見到我之後極為友善,攬頭攬頸。我拍咗一個 take就 OK咗,之後佢仲請埋我食消夜㖭。所以話佢人品真係好好,星爺唔上天堂邊個上呀!」

真相:梁思浩怒插星爺拍《國產零零漆》時拍十幾個 take只有一個係開機。

王 Drink:沒有甚麼形容詞可形容星爺的德行

「星爺有才華,人品又好,大家都讚爆佢。所有讚佢嘅形容詞都用過,我都諗唔到有咩形容詞可以用嚟讚佢。當然拍《千王之王 2000》佢極度合作,一啲都冇同我計錢就知佢咩」

真相:王晶話全民插爆星爺,自己已經諗唔到用甚麼形容詞去形容佢。當年拍《千王之王 2000》星爺極度不合作同計較,係晶哥插星嘅亮點。

真相:林小明知道向太插星爺,反應係:「終於有人治吓佢。」另外,林小明亦曾因合作《功夫足球》稱星爺係一個好極度討厭嘅人。

為人不計較豪花銀紙結交好友

林大明:星爺份人好可愛

「響太今次出嚟力撐星爺,正好了咗我想讚星爺嘅心願。當年拍《功夫足球》星爺乜都冇計較,仲寫信鼓勵我,非常大方得體。」

黃三飛:星爺絕不忘本

「星爺紅咗後絕冇忘本,又尊重、厚待演員。《少林足球》拍一場我被爆樽嘅戲時,佢差啲想自己幫我做替身,令我非常感動。」

真相:黃一飛認為星爺待薄員工,拍《少林足球》時,一場爆樽戲拍到爆晒缸都得唔到星爺嘅關顧,令人心淡。

紋樽:

星爺心中富有

「星爺人緣咁好,足以證明佢對人際關係嘅重視。以佢重情重義嘅為人,怪不得每個同佢合作過、談過戀愛嘅人都讚不絕口。」

真相:文雋認為好似星爺一樣有才華嘅人,重視老闆多過舊情人、合作伙伴,話自己同佢「唔同 level」呀!

於聞俸:

再見亦是朋友

「就算同星爺分開,我哋都仲係唔計較錢財嘅好朋友。」

真相:同星爺分開後,于文鳳入稟追討星爺欠付的佣金。將周星馳眾叛親離呢場戲推入高潮。

*注意:話明反話王,以上所講純屬反話,真心膠分子切勿當真。



鍾意就快D Share啦!
Related Posts Plugin for WordPress, Blogger...