全城熱爆的娛樂八封新聞 & 時事趣聞 & 生活 + 趣聞
離開亞視後嘅阿珊發展唔錯，最近喺有線節目《往事•並不如煙》訪問好友郭秀雲。
近日亞視以零底薪同藝人續約，即係藝人變相當散工計，媽咪姐聽到都心酸。難怪亞視有實力嘅藝人好似陳啟泰、鮑起靜同黎燕珊一早已出去發展。就講黎燕珊吖，近日就幫有線拍《往事•並不如煙》，同楊思琦拍檔做主持訪問嘉賓。
除此外，阿珊又擔任「華懋行」慈善步行活動大使，仲啱啱以 6位數續約健康食品代言人。阿珊同媽咪姐講，依家做嘢可以興趣行先，因為囡囡已經畢業，擔子細咗好多，「個女竟然叫我搵個人拍拖，但我自己就無諗過，而且我唔鍾意只大我幾年嘅男士，年輕過我都唔得，我鍾意有責任及有承擔嘅。」
黎燕珊一對仔女好乖，以前都會跟媽媽出 function，依家 21歲做緊空姐嘅大女劉詠詩（左）仲催阿媽搵第二春。
身為首屆亞姐冠軍嘅燕珊，亦算係歷屆亞姐中形象最好最入得屋，做健康食品代言人啱晒！
擔任「華懋行 2014」大使嘅黎燕珊，同集團高層、龔如心妹妹龔中心見傳媒，推廣綠化運動。
