全城熱爆的娛樂八封新聞 & 時事趣聞 & 生活 + 趣聞
江希文同大自己廿年嘅老公冇代溝，估唔到同細自己咁多嘅「弟弟」一樣傾得埋，真係厲害！
江希文自從同大律師胡漢清生咗個女之後，就過住幸福少奶奶嘅生活，唔係 shopping就 high tea，不知幾寫意，完全懶理奶奶胡老太嘅攻擊。嗱，呢日三點三，又見佢喺銅鑼灣 high tea，但今次就唔係同老公囡囡一齊，反而係個造型 rock rock哋嘅「弟弟」，江希文同人傾到手舞足蹈，興奮到呢！走嗰陣仲見凸腩，呢啲係叫孕味濃吖，定叫幸福發脹呢？
兩個一見到媽咪姐，即刻分頭走扮唔識，呢啲係咪叫做「此地無銀三百両」呢？
着住緊身衫嘅江希文，呈現一條大大嘅士啤呔，唔講真係以為又有咗！
胡漢清錫老婆江希文，連帶對外家一樣咁好，不時陪外父外母行街飲茶。
