熱爆娛樂: [忽然1周 999] 進擊的慾女　廣末涼子廣末涼子,BKD

2014年9月19日星期五

[忽然1周 999] 進擊的慾女　廣末涼子廣末涼子,BKD_S,MW,

廣末出道時，曾經成為一眾少男的「國民女神」，可惜傳出不倫戀後，即被諷為「不倫人妻」，連累形象及演藝事業下滑。

亞熱帶

進擊的慾女　廣末涼子

35歲嘅廣末涼子雖然跟蠟燭藝術家 Candle June再婚，而且係兩子之母，但今年卻先後傳出跟細佢 9歲嘅佐藤健及永山絢斗搞不倫戀，令形象惡化，以致代言開嘅廣告已明言不會再續約，人氣及星途如雪上加霜。

為搶救面臨崩潰嘅人氣及演藝事業，廣末摒棄以往「玉女」形象，喺新劇《聖女》入面，飾演涉嫌連續殺人嘅魔女外，更係色誘補習學生永山絢斗上牀嘅性女，情節有如 AV。

廣末的劇集《聖女》於 8月 26號開播，第三集收視仍有 7.6%，已經唔錯，亦係日本國營電視台 NHK打破尺度之首作。首集劇情跟香港近期發生嘅靚女補習老師引誘學生上牀新聞近似。

廣末涼子同佐藤健 11年拍古裝大河劇《龍馬傳》時已互相有 feel，估唔到劇拍完即撻着。

今年 2月 24日，廣末老公 Candle June去咗福島同新潟做賑災工作，廣末當晚 9點零即上佐藤屋企，逗留到清晨 5點半先坐預約的士返歸。

25歲佐藤健屬日本 Amuse旗下藝人，拍戲劇為主。

03年正係廣末事業如日中天，卻突然同岡澤高宏奉子結婚。估唔到婚姻只維持 4年， 08年離婚，廣末負責養囝囝。

廣末跟 Candle June（中）於 10年 3月喺一個賑災活動相識，同年 10月結婚。可惜因廣末緋聞，以致兩人婚姻一直被傳不穩。

牀戰嫩男

《聖》故事講廣末大學時期，曾替高中生永山絢斗補習，兩人發生關係。事後廣末對永山講過，若然大學考試合格、成為大人嘅話，就會做佢戀人。點知講完呢句說話之後，廣末突然消失咗。 10年後兩人再重遇，廣末變成一個連續殺人嘅疑犯，而永山就成為佢辯護律師。兩人重燃愛火嘅同時，廣末不為人知嘅「魔女行徑」陸續被揭穿。

廣末出道以嚟，都係走清純玉女路線，更被封為「正統玉女掌門人」。 03年跟模特兒兼時裝設計師岡澤高宏結婚， 08年離婚，卻因受岡澤黑道背景影響，令演藝事業停滯不前。 10年跟蠟燭創作藝術家兼和平活動家井筒順（藝名 Candle June，但因屬入贅，故改姓廣末）結婚， 11年生下次子，卻又傳出廣末不時出去偷食，以致跟 Candle June婚姻名存實亡。最近因被拍到夜宿佐藤健家，即被扣上「不倫人妻」之名，令其已下跌人氣更如滑梯直瀉。