全城熱爆的娛樂八封新聞 & 時事趣聞 & 生活 + 趣聞
周慧敏去完台灣、北京宣傳，前幾日又去廣州出席樓盤活動，好忙。
仲有兩個月就踏入 47歲嘅周慧敏，今年客串咗九把刀作品《等一個人咖啡》，踏上不歸路，中港台三地周圍走宣傳，對於佢嚟講，應該好耐冇試過咁忙。佢自己都話：「又唔緊張得，又唔捱得，呢啲唔係常規工作。」
雖然佢只係客串，但呢套戲上映大收 2千萬，仲令佢喺內地多咗唔少活動邀請，真係賺錢賺到笑。所以，周日（ 14日）《等》片台灣演員布魯斯、宋芸樺同張立昂嚟香港謝票之後，佢就請晒台前幕後去食飯，仲話自己每次趕飛機，未同大家傾偈，覺得好可惜。不過呢餐飯冇預佢老公倪震喎，唔怪得倪生成日要去買外賣
作為大前輩嘅周慧敏，見到張立昂（右一）戴住道具走位，幫佢整番好。
觀眾搵周慧敏簽名合照，佢好識做半踎簽名，不過要工作人員扶住佢。睇見都攰。
周慧敏話每次拍攝都好趕，冇時間同演員飯敍，今次難得人齊嚟香港，終於約到食飯。
九把刀請到周慧敏出山拍戲，俾唔少朋友追佢攞女神簽名。為滿足大家願望，佢竟然派自己同女神合照，真係識揀。
