全城熱爆的娛樂八封新聞 & 時事趣聞 & 生活 + 趣聞
試完褲嘅家輝，似係唔多啱心水，同職員講咗幾句，放低咗。
張家輝同關詠荷呢一對，近呢兩年少咗一齊出嚟，傳出佢哋感情轉淡。不過咁，傳聞歸傳聞，佢哋兩夫妻嘅嘢，外人邊知咁多吖！日前，家輝為咗嚟緊嘅工作，去咗中環掃貨裝身。睇佢嘅戰利品都唔少，有冇買埋俾老婆關詠荷，媽咪姐就唔知。不過佢經常攞個電話出嚟打，睇個樣似係同老婆報告行蹤囉！
而張太呢，冇陪老公去揀衫，反而去咗跑馬地買酒。睇佢揀嚟揀去都唔多啱，之後要由職員推介咗幾支靚酒俾佢，咁至冇空手而回。睇嚟下次要帶埋老公去揀酒！
家輝對助手都幾好，啲衫咁重，自己都拎番袋，抵讚。
可能屋企有 party，關詠荷去到酒舖揀咗一輪，但都揀唔啱。
最後張太要搵職員幫手，介紹幾支靚酒俾佢。
