文凱玲 3圍數字為 33D、 23、 34.5，加埋 42吋長腿，難怪被晶哥睇中。
娛樂喧
情慾秋香露股 王晶生剝文凱玲
王晶𠱁女剝衫有一手，
晶女郎個個肯搏肯露，
最近他簽了 2010年落選港姐文凱玲（ Connie），
更安排她在新片《唐伯虎衝上雲霄》中做女二，有大膽全裸露股鏡頭。
33D的 Connie化身情慾秋香，色誘男主角杜文澤！認真是橋唔怕舊，最緊要受。
王晶力讚 31歲的文凱玲 body嫩口但思想成熟︰「佢真實 31歲，但個樣似廿幾，
我要捧佢做 Meg Ryan（美琪賴恩）！」比起昔日陳煒半裸鴛鴦浴及孟瑤濕身現乳貼，文凱玲明顯更搏。
𡃁模要出位唔易，最緊要識泊碼頭，否則露完都是嘥氣！ 2010年港姐出身的文凱玲，甫成為晶女郎即被力捧，在新片《唐伯虎衝上雲霄》中飾演秋香，其中一場大膽的沖涼戲，更特寫其白滑玉背、波邊及豐臀，比女主角 DaDa（陳靜）更搶鏡。
Connie坦言拍這幕戲考慮咗好耐︰「開頭都幾擔心，晶哥細心解釋話係劇情需要，只係好性感咁自己沖涼，唔會有對手。拍攝時換好晒衫投入咗個角色，都唔係太驚。因為要全裸，膠紙黐住咗三點，事後撕番啲膠紙出嚟，個胸都紅晒。」
辭職空姐簽王晶
原職空姐的 Connie，多做幾個月便享有一世一折機票的福利，但 Connie為了做晶女郎而放棄︰「拍《唐伯虎》時未簽晶哥，之後大家發覺工作方向好夾，考慮咗好耐，最後都決定辭去空姐全職拍戲。（鍾意演戲？）做幕前覺得好好玩，依家拍緊《賭城風雲 2》，有爆炸、追逐、槍戰，對我嚟講好新鮮。」
31歲的文凱玲，對比其他𡃁模明顯謹言，不想捲入是非，就連評論其他晶女郎都唯唯諾諾。問她與 11年港姐季軍許亦妮拍《喜愛夜蒲 3》時，爭戲服爭仔，她極力否認，強調與許的富貴男友盧啟邦只是好朋友。問到王晶近年冇簽香港人，她有甚麼條件比童菲、孟瑤等內地女星優勝時，她竟尷尬話︰「童菲好 sweet，我（身材）同佢哋差得遠，我返去問晶哥先。」
捧做美琪賴恩
至於王晶則謂︰「我想簽番個可以演喜劇嘅女仔，香港喜劇女演員都四、五十歲嘞。 Connie唔算太細，又做過空姐，談吐淡定，對世情比較了解，演起一啲社會性嘅劇、喜劇或文藝片會到肉啲。」
王晶更表示拍完《唐》後，會安排文凱玲封胸。「開頭想觀眾認識佢，往後唔會太性感。我想捧佢做 90年代嘅 Meg Ryan（美琪賴恩）。」
拍完《賭城風雲 2》，王晶還有一套賭片都預了 Connie份，據知來年更為她度身訂造開拍一齣文藝片。有老闆照，三、四部戲在手， Connie相比其他𡃁模，已贏在起跑線。
參選港姐入行
文凱玲（英文名 Connie）今年 31歲， 2010年參選香港小姐獲第八名。未入行前職業是空姐。
落選後的文凱玲，獲李蘊經理人賞識並簽約，成為輝皇娛樂藝人，以業餘身份參演多部電影，包括《喜愛夜蒲 2》、《黑色喜劇》及《喜愛夜蒲 3》等情慾電影。今年她被王晶睇中，成為晶女郎拍《唐伯虎衝上雲霄》。
|
鍾意就快D Share啦！
|
|
|
