豪宅閉關
下月六日起一連 11場棟篤笑即將開鑼，近日黃子華一直留在新屋閉關度橋，直至月初（ 3日），才在新屋見到黃子華的真身。現場所見，着上 T-shirt的他，身形較前健碩和重磅。
娛樂喧
棟篤笑秒殺三千萬 子華豪宅入伙閉關度橋
近月黄子華休息備戰，籌備下月人生第 14個棟篤笑騷《唔黐線唔正常》。一連 11場騷，在港開賣僅 3小時就全線爆滿，一飛難求。今次子華自己做埋搞手，肥水不留別人田，輕鬆淨袋 3000萬！
賺到盤滿缽滿的他，去年以 2,438萬購入北角半山豪宅雲峰。新居近日正式入伙，子華與新女友更在新愛巢甜蜜同居。記者連日守候，發現子華全天候封鎖自己，為度橋終日留在新屋，只見過他一次揸車兜風。有愛情滋潤的他，明顯增磅成功，不再皮包骨。
黄子華的號召力，向來唔使多講，去年他為大台拍的《 My盛 Lady》，略出少少綿力已叫好叫座，仲揮低 Sam哥吳鎮宇及 Cool魔張智霖，擸埋視帝。子華曾向本刊親證，短期內不會再拍劇，以籌備十月初一連 11場的紅館棟篤騷《唔黐線唔正常》。早前他匆匆攝期，客串老死張家輝及鄭秀文主演的新戲《失戀急讓》以及鄭中基執導的電影《神秘寶藏》後，便全面停工。
做搞手賺到盡
雖然離上次棟篤笑《洗澡》只有兩年，但男神魅力沒法擋，今次三小時賣光近十二萬張飛。子華經理人 May坦言：「好多朋友都等緊 waiting飛，但真係一張都 wait唔到囉！」為賺到盡，今次子華更首次做埋搞手，之後再巡迴澳門及美加多個城市，保守估計門票收益及廣告贊助等已淨袋過 3000萬。「其實子華近年嘅創作都係一腳踢，無論拍劇或棟篤笑，佢都親力親為度橋、度對白、搞形象等等，所以佢每次做完一個 project都要唞一年半載先回到氣。你見佢瘦成咁，就知佢幾辛苦啦，唔知嘅仲以為佢有病！」知情人透露。
愛巢裝修八個月
搵得嚟使得去，向來愛磚頭的子華，去年 9月扑槌以 2,438萬買入北角天后廟道雲峰大廈低層單位，據知是作為自己與其低調女友的新愛巢。一向鍾情何文田區的子華，為𠱁在香港區返工的女友，不惜移船就磡，把愛巢搬到對面海。而他的新居同樣選址在靜中帶旺的區域，方便在寶馬山道一帶跑步。對於新戀情，子華曾罕有地說：「含着笑多謝大家關心。（同女友感情穩定？）穩定地多謝大家。總之新屋裝修好就會搬過去，其他嘢唔講。」其實子華的新居在去年尾收樓後便開始進行裝修，足足裝修了八個月，至上月底他終於和女友秘密搬入新居，兼且閉關為棟篤笑度橋。
女友獨自出入
記者連日在新屋守候，與以往一樣，子華甚少與女友一起外出，連他自己都不見蹤影，更連最愛的跑步都沒有。直至月初（ 3日），記者終發現子華在新愛巢出現，晨早流流戴帽及黑超，獨自駕駛其白色 Audi座駕出外兜風，似是想攞靈感，但兜了一陣便返家繼續封鎖自己。一直瘦底的他，早前曾含春表示：「今年我想試着盡情增肥，起碼 30磅，增到大家大力抗議為止。（拍拖甜到漏有助增磅？）日日都 sweet！」當日現場所見，有愛情滋潤的黃子華，身形比前的確脹了不少。兩日後，記者再拍得一位疑似早前被傳媒拍到、子華貌似范曉萱的女友，獨自駕着白色 smart car出入子華新居，與子華的外傭閒聊後，便吩咐對方取東西上樓。黃子華以往對愛情甚為避忌，但對今次新戀情的態度卻有 180度轉變，他更承認雙方已見家長。事業愛情同樣得意，唔知男神會唔會閃婚，脫離寡佬行列呢？
|
鍾意就快D Share啦！
|
|
|
