全城熱爆的娛樂八封新聞 & 時事趣聞 & 生活 + 趣聞
性感內衣加濕身透視， 32歲恭子魔鬼身材盡露，宅男鼻血要 hold住呀！
腰圓背厚係深田恭子嘅招牌，幾年前仲傳出佢一度失控暴肥㖭。不過今年 5月初， 32歲嘅深田又出惹火寫真，喺寫真集入面，不單肥大身材唔見咗，反之仲係要波有波、要籮有籮，銷量當然好但最近就俾傳媒爆料，話寫真集入面嘅深田，成個樣都 PS過。仲話佢拍寫真之前，偷偷去咗美國做溶脂手術塑造魔鬼身材咁話。
嗱，啲料係真唔係真？媽咪姐唔敢拗，但佢個樣就好明顯留有「入廠維修」過嘅「痕迹」，啱啱仲俾眼利觀眾發現「再造紋」，唔信？有圖有真相㗎﹗
其實恭子整容已唔係乜新聞，事關佢幾年前已被傳整容，可惜效果奇差，真係唔整好過整。
上星期二（ 9日），深田恭子上節目，俾眼利觀眾發現佢唔止包面變 V面，笑起上嚟面部有凹凸不平坑紋，愈睇愈唔自然。所以懷疑佢又喺面部做過手腳。
