全城熱爆的娛樂八封新聞 & 時事趣聞 & 生活 + 趣聞
陳子聰同超儀結咗婚之後，自此就同以前 model嘅身形講拜拜，依家個腩位仲大到同洪金寶有得揮，連件衫都冚唔住。
呢日喺銅鑼灣撞到陳子聰，唔知係咪近排做節大魚大肉得多呢，佢個腩又大咗成個圈。驟眼睇，竟然愈嚟愈有洪金寶嘅影子㖭，真係撞你個鬼囉！
媽咪姐見佢同朋友喺 city'super買到一袋二袋咁，仲掃咗幾支酒，睇嚟又係開 party咁款，咁樣玩法，唔發福就假最後子聰仲購物狂上身，吼住等車嗰少少時間都要衝番入去買多兩件，搞到呢咁 hea咁衝上車，何必呢？
掃到一手都係酒同食物，睇嚟陳子聰準備嘅「大食會」規模好盛大咁喎！
陳子聰同老婆何超儀兩個愈嚟愈有夫妻相，好在何千金無脹爆咋。
𡃁仔，做咩扮我？（設計對白）
