探熱針
激嬲高層 扭加戲重罰 伍詠薇入雪櫃
自去年拍罷《金枝慾孽貳》和《法外風雲》後，有指伍詠薇當正自己是當家花旦，開始揀劇本，又對角色的搶鏡度非常挑剔，經常嫌三嫌四，惹來製作部不滿。
最近，監製王心慰打算安排伍詠薇夥拍黃秋生，合作重頭劇《梟雄》，但伍姑娘卻嫌戲份少，竟然踩上監製房要求加戲；之後事件傳到曾勵珍耳中，為整治大頭症嚴重的伍姑娘，珍姐下令易角，並暫時放入雪櫃，讓她「冷靜」吓！
踩上監製房
自薦拍《金枝慾孽貳》的伍詠薇，在劇中孭正主角外，亦因另一女角鄧萃雯唔妥無綫，採取不合作態度，令劇集宣傳重點幾乎全面集中在伍姑娘身上；初次享受到當家花旦待遇的她，從此自動升呢，變得更加進取。
「伍姑娘一向都比較主動，鍾意搵監製傾偈，自薦又好，傾角色又好，表現積極本來冇問題，但拍完《金枝貳》，佢啲態度就唔同咗，變得好氣焰，講嘢亦會令人唔舒服。拍完《金枝貳》同《法外風雲》之後，佢因為嫌啲劇本唔好，話要揀劇，珍姐唔係咁高興。」知情者說。
王心慰開拍重頭劇《梟雄》，原本屬意伍詠薇演其中一角，主要對手是黃秋生。
「《梟雄》嘅製作費喺公司嚟講，真係天文數字，伍姑娘個角色其實好有發揮，但佢嫌戲少，踩上王心慰間房投訴戲份唔夠重，角色又唔及女角胡杏兒咁突出。件事後來喺製作部傳開晒，俾珍姐知道後，即刻叫王心慰換人，仲叫其他監製暫時唔好俾劇伍姑娘，雪吓佢先喎！《梟雄》除咗秋生同杏兒，仲有湯鎮業、黎耀祥、蘇玉華等，卡士一啲都唔失禮，所以大家都唔明伍姑娘嫌啲乜。」
得閒做舞台劇
有排都冇劇拍！伍詠薇轉戰舞台劇，明年三月，將會重演劉嘉玲、梁朝偉都做過的《花心大丈夫》。
被問到無綫暫停用她，伍詠薇說：「唔係，有搵過我，夾唔到時間啫，我同無綫關係好好。個舞台劇我都好想做，但要傾埋啲合約細節先，個角色同我好似，詳情未落實。」
有閒情
冇劇拍，養尊處優的伍姑娘在微博常晒飯局、做運動等生活點滴。
|
鍾意就快D Share啦！
|
|
|
