掃呢頁CODE去手機

2015年5月28日 星期四

方健儀忙過做主播 [壹週刊 - 1316] 方健儀,M1,



可能唔熟路,心口掛住個「壽」字嘅方健儀,買完護膚品行出門口,左擰右擰唔知行去邊。

同你吟一吟

方健儀忙過做主播

有傳大台高層因為經常「河蟹」新聞部,搞到資深主播方健儀好冇癮,兩年幾前劈炮,轉咗去廉政公署做高級新聞主任,不過佢最近又辭職,亦成自由身,幫港台開咪,又幫吓 J2台做節目,鍾意做乜都得,不過最好搵,當然係做活動司儀。

唔使跑新聞,但仲忙過以前。上個禮拜二(五月十九日),《壹》仔見到方健儀一個人喺中環 ifc買完護膚品後急急腳行去 coffee shop,原來約咗三個女子歎茶,一邊傾工作大計。

事後方健儀响社交網站留言,話自己開咗兩個鐘會,其間收到 190個 WhatsApp,開會唔方便覆,之後要一邊行街買衫一邊狂覆留言同電話。天生女強人相,方健儀唔做主播,一樣大把錢途。

去 coffee shop開會,方健儀好多意見,擺明係主導嗰個。

開會唔方便覆電話,行 ZARA買衫覆 WhatsApp,買完走人就覆電話,忙。

同樣已經離開大台嘅黃大鈞,早排負責吹雞,叫齊舊同事包括方健儀、周嘉儀、黃婉曼、蔡雪瑩、伍家謙、陳珍妮以及趙海珠,八大主播為保險公司拍廣告,帶挈大家搵錢。

12年 2月,方健儀最後一次主持大台新聞,眼紅紅切散水餅。

鍾意就快D Share啦!