2015年6月10日 星期三

兄弟洩密 香港擺酒 胡杏兒 12月嫁港姐殺手 [FACE - 420] 杏兒,港姐,胡杏兒,MF,



胡杏兒同男友公布拍拖後非常高調,經常被影到拖手遊街。《蘋果日報》圖片

封面

兄弟洩密 香港擺酒 胡杏兒 12月嫁港姐殺手

35歲胡杏兒去年 12月被本刊率先踢爆與「港姐殺手」、夜場 Play老闆 Philip Lee( Phil)拍拖,隨即公開戀情,雖然拍拖未夠 1年,不過感情非常穩定,打風都打唔甩!

年紀唔細,加上男友有事業有外型,杏兒當然咬實荀盤唔放。據知 Phil已向女友求婚成功,兩人更剛於 5月中預支蜜月,同遊杏兒的 dream place馬爾代夫。希望趕得切今年 12月在香港結婚擺酒的 Phil,最近就要求一班相識多年的舊同學,預留年尾日子做兄弟。

大方邀請男友前度李施嬅做姊妹團的杏兒,唔知會唔會請 Bosco飲呢?

去年 12月,本刊獨家影到杏兒陪 Phil去除夕 ball,踢爆戀情。

自上年除夕被本刊踢爆同男友 Phil孖住去 ball後,杏兒即公開關係,男友亦在 fb放上貼頭相公布戀情,非常高調。

秘遊馬代

今年 1月,杏兒陪男友飛台灣參加婚禮,被影到當街激咀纏綿,難捨難離。短短 2日 1夜短 trip唔夠喉, Phil上月又炮製另一個浪漫之旅——馬爾代夫。

杏兒 11年接受訪問時,透露好想去馬代旅行,「我真係好想趁未陸沉前去玩,不過真係連瞓都冇時間!」當年與 Bosco工作至上,拍拖期間未能夢想成真,事隔 4年,熟知女友心意的 Phil送上驚喜,得知杏兒上月中有幾日空檔,即訂附設私人泳池的獨立水上屋過二人世界,連早餐都在房內望住海景歎,保證全日 24小時不受騷擾禁室培慾。

知道杏兒最想去馬代, Phil即安排婚前驚喜蜜月 trip,但 Phil始終忍唔住放咗唔少相在 fb;而他的朋友更留言話點解冇被邀請,冇請馬代 trip定 12月做兄弟先?網上圖片

Phil將 fb大頭相換成呢張馬爾代夫單車圖,可見佢幾重視今次呢個預支蜜月 trip。網上圖片

食早餐都要影相,連 Phil圈中好友吳嘉龍都忍唔住留言讚佢浪漫!網上圖片

杏兒鍾意陽光海灘,馬代啱晒佢同男友過二人世界!杏兒仲玩到連微博同 fb都唔上,網上潛水失蹤,直至 5月 17日先再出現。網上圖片

英國幫兄弟團

Phil極有女人緣,又係夜場老闆大把女埋身,杏兒真係要快啲綁實男友喇!

杏兒 35歲唔後生, Phil非常心急同女友生 B組織家庭,早前鼓起勇氣向杏兒求婚,杏兒亦爽快答應。心情 high爆的 Phil礙於女友身份未能即時公布喜訊,但私下已向英國一班舊同學 hold定檔期,「 Phil早排喺英國班朋友個 group chat度,叫晒所有人 hold定 12月個期返香港,個個問佢點解,原來係要幫做佢兄弟!」除了英國幫,與唔少圈中人相熟的 Phil,亦會搵吳嘉龍、巫雨平等蒲腳做兄弟,務求人多勢眾以最強陣容迎娶杏兒。

至於杏兒的姊妹團無甚驚喜,鐵腳係「胡說八道會」幾個未嫁得出的姊妹,包括胡定欣、黃智雯和姚子羚等,其中李施嬅曾經同 Phil拍過拖,但杏兒竟然請埋對方做姊妹,嫁得出果然係大方啲!

搵情敵做姊妹

Phil同杏兒一齊之前,曾經同李施嬅(右)拍過拖,難得杏兒唔介意,竟然預埋對方做姊妹團之一, EQ冇得頂!

《蘋果日報》圖片

「今年好多變動!」

杏兒 7月將約滿大台,有傳離巢後會以 2,500萬加盟蕭定一公司 3年。唔憂冇人要,杏兒日前出席活動時一反常態,忽然自爆隨時閃婚,「𠵱家年紀唔細,唔可以淨係睇錢,仲要睇有咩發展、前路點走,而且今年好多變動!(嫁人唔做?)講真,呢樣嘢要考慮,男友好 open,都有畀意見我!」本刊週一( 8日)致電 Phil,但至截稿前仍未回覆。

2千幾萬都未必請得郁,出道 16年的杏兒當然係搵落大把唔等錢使,反而被外界形容為「金融才俊」的 Phil,身家未必及得上未來老婆。雖然身為夜場 Play老闆,但其實 Phil所佔股份不多,只有 1/20,亦不是公司董事;物業更加係零,現時租住尖沙咀一個服務式住宅,月前更搬去女友郝德傑山的單位同居。

難得小富婆杏兒唔介意搵得多過男友,呢個視后娶得過呀!

杏兒早前出席梁烈唯婚禮,雖然單拖冇男友陪,都笑到合唔埋口,心情勁靚!

豪換新車

賺人仔賺到笑,杏兒日前扑鎚買入價值 60萬的新車。圖片

調理身體

捱咗咁多年,杏兒近期開始養生,唔通要調理好身體預備生 B?網上圖片

訓練廚藝

以往多數係 Bosco負責煮飯,今時唔同往日嘅杏兒要練好手勢做煮飯婆!網上圖片

以前同 Bosco要收收埋埋,𠵱家戀愛大過天嘅杏兒晒番夠本,年初同男友頭貼頭自拍放上 fb。網上圖片

大把後路

7月約滿大台,胡杏兒收山嫁人唔做又得,繼續賺人仔亦得,得咗!

續約

雖然仲有 3套倉底劇未播,包括同陳豪的《陪着你走》等,但如果杏兒想續約,大台應該無任歡迎!《蘋果日報》圖片

北上

在內地漸有名氣的杏兒,之前拍過幾套電視劇,又做過綜藝節目《奇妙的朋友》,又有同袁詠儀的新劇《領養》,大把人仔賺!圖片

轉會

盛傳蕭定一開價 3年 2,500萬引誘杏兒過檔,雖然杏兒唔肯證實,但成數唔低!《蘋果日報》圖片

姊妹們,我嫁先喇!

《蘋果日報》圖片

胡杏兒 12月嫁俾男友 Philip Lee,除咗比佢班「胡說八道會」姊妹早嫁得出,亦係佢嗰代嘅花旦中最快做人妻嗰位,叻女!

佘詩曼等緊

《蘋果日報》圖片

緋聞多到數唔晒,但始終都未搵到真命天子。連前度鄭嘉穎都搵到個陳凱琳,阿佘真係要加油喇!

鍾嘉欣冇埋

網上圖片

同伍允龍拍拖 8年,本來感情相當穩定,但早前有傳嘉欣嫌棄男友撈極唔起,加上公司壓力,最終忍痛斬纜,變番單身。

楊怡齋講

圖片

比杏兒更早拍拖,近年多次傳出會嫁俾羅仲謙,不過都係得個講字, 3年姐弟戀仲未食糊!

徐子珊齋傳

《蘋果日報》圖片

男人緣極旺的子珊,同殼王陳國強都傳過緋聞,前排又被影到同跳舞老師撐枱腳,不過連同吳卓羲、眼科醫生謝偉業在內的緋聞男友,全部冇晒下文!

鍾意就快D Share啦!
Related Posts Plugin for WordPress, Blogger...