2015年6月10日 星期三

港鐵遭辱罵「趴低俾人 fxxk」 慢必陳志全:我唔係 3吋釘! [FACE - 420] 港鐵,MF,



陳志全被兩惡婦人生攻擊,表示會考慮追究;笑言自己唔係「三吋釘」,指兩女對同志的概念錯晒!

爆 Like王

港鐵遭辱罵「趴低俾人 fxxk」 慢必陳志全:我唔係 3吋釘!

人民力量立法會議員陳志全(慢必)早前搭港鐵,忽然被兩名婦人用粗口辱罵,並針對陳志全的同性戀傾向而作出人身攻擊,而慢必則實行,不反擊、不逃避,只沉默地用手機將兩名婦人惡行全部拍低。

該兩名惡婦不斷攻擊陳志全嘅性傾向,一時指佢得「三吋釘」,一時又話佢冇性器官,又指同性戀者要趴低俾人 fxxk,言詞明顯歧視兼性騷擾。陳志全講番件事覺得又嬲又好笑:「哈哈!我唔係三吋釘!」

上星期陳志全由鰂魚涌坐港鐵,遇上兩惡女粗言辱罵,陳志全即好冷靜用手機拍低,被網民大讚,更激發起全港關注同性戀被歧視問題。網上圖片

陳志全在議會經常提出爭取平權議案,但他指港府只唱反調:「我成日同政府講,唔好等悲劇發生至做嘢,其實 97前差啲通過反性傾向歧視條例,但有啲議員話要循序漸進,喂, 18年喇!」《蘋果日報》圖片

F:嗰兩位女士係針對你嘅政治立場定係性取向?

陳:原始動機係覺得我係垃圾議員,但佢冇講內容,又覺得鬧嗰啲傷害唔到我,就針對性傾向,以為咁就傷害到我;有時行街都有人鬧我「死基佬」,以為傷害到我,但我話畀你聽係錯!呢樣嘢最傷害唔到我!當佢唔能夠以事論事去批評你嘅行為、理論、語言,而去攻擊你嘅性傾向,即係你其他嘢冇乜大問題,其實你已經贏咗!

當日有位女士見義勇為,事後在 fb說感受,慢必很感激她,希望所有人都能敢於發聲,擊退無理取鬧的人。網上圖片

F:鬧你係咪好嬲?

陳:我係好震,嬲到震!但當時冇聽得好真,睇番條片至知鬧乜,話我三吋釘?哈哈我唔係三吋釘,唔係事實嘅真相!有人建議我用性騷擾去追究,我考慮緊。但好多人睇完條片比我更憤怒,佢哋好似鬧緊全香港同性戀者咁,好多人留言話支持我,有啲問我係咪單身啊;做 gym度有個大隻靚仔平時好 cool望都唔望我,但嗰日專登嚟問我有冇事,我覺得呢件事反而令啲唔會表達或者唔覺得要爭取權益嘅同志會出聲囉!

F:香港歧視同性戀情況嚴唔嚴重?

陳:嚴重!香港仍然冇保障性傾向嘅法例,所以好多人被歧視都唔敢出聲。其實政制及內地事務局有個投訴機制,我諗我都會去投訴,但呢個機制有咩用呢?都冇法理基礎,冇法律可以處理。有啲人索性「扮直」啦,甚至加入歧視人嘅行列添!尤其教師、社工等都好驚俾人知道,可能冇咗份工。曾經沙田基督教國際學校就要員工填寫係咪變性人、同性戀,係嘅話就有權解僱,我覺得好離譜,但只係冰山一角。

《頭條》社論指泛民議員平時粗口爛舌,陳志全被鬧係自食其果;上週五( 5日)大愛同盟等 45個團體舉行聯署記招,陳要求《頭條》拿出他曾在議會講粗口證據及要求道歉,及正草擬文件向該報發律師信。《蘋果日報》圖片

F:呢件事之後建制派議員有冇關心你?

陳:哈哈,喺議會裡面建制派嘅同事唔敢幫個女人,佢哋話:「係我哋都明白你感受,我哋都成日俾人鬧㗎!黃定光呢,嗰次喺立法會樓下俾人追住鬧咗成條街,葛珮帆都俾人由金鐘鬧到尖沙咀呀,我明白你好難受嘅!所以要教育啲支持者,要講道理囉!唔應該無理漫罵囉!」

鍾意就快D Share啦!
Related Posts Plugin for WordPress, Blogger...