掃呢頁CODE去手機

2015年7月3日 星期五

星級園遊會 [忽然1周 - 1040] MW,



媽咪姐

星級園遊會

荔園重開,因為遊戲收得貴,俾網民話呃錢,唔值得去。但有人彈亦有人讚,唔少藝人見證荔園繁華到摺埋,勾起童年回憶。呢日,徐小鳳、森森、斑斑、張立基同謝安琪一齊去荔園玩番轉,仲話童年同朋友去過好多次,不過冇講係咪去拍拖喎!

小鳳姐 出手術

小鳳姐貴為樂壇大前輩,雖然冇喺荔園唱過歌,但以前成日同朋友去玩,消磨過好多時光。呢日小鳳姐去做開幕嘉賓,左手一直黐咗啲嘢。媽咪姐見佢冇反應,正想同佢講嗰陣,發現原來係荔園嘅宣傳貼紙。小鳳姐收得咁埋,真係鬼馬喇!

小鳳姐隻手黐住啲嘢。睇真啲,原來係荔園貼紙!佢死都唔想黐落件衫,就算同謝安琪影相,都係拎住咋。

就算之後要拎道具,小鳳姐都好堅持,只貼喺手,真係好錫衫㗎。

張立基 冇電喎!

張立基今個月踏入 48歲,呢幾年又好少喺香港出現,睇佢 keep得咁好,外形似足四哥謝賢,媽咪姐都好想問吓佢點保養呀。之但係咁,張生眼力同手力就似乎唔多好嘞!

張立基呢日去荔園玩「天降傘兵」,揸住隻兵,準備拋去前面嘅顏色大枱上面。

不過張立基嘅眼界麻麻,掟咗等於冇掟,跌咗喺面前。查實戴超睇唔清楚,除咗佢再掟過

斑斑 念梅姐

斑斑同媽咪姐講,好多人以為佢曾經喺荔園搵過食。其實佢同家姐森森未去過登台。反而係佢哋阿媽同梅媽好熟,「當年梅媽成日叫媽咪帶我哋去捧阿梅兩姊妹場,我記得阿梅第一次去大馬登台,仲係同我一齊去嘅!」

斑斑仲好童真咁掟咗幾隻大公仔拎走,唔講邊個記得佢已經 62歲喇!

斑斑細個去得最多就係荔園,成日睇梅艷芳(左)同梅愛芳兩姊妹演出。

森森(右)同斑斑(左)再去荔園,見到大象「天奴」變咗機械象,覺得好可惜,因為冇得餵佢食蕉。

鍾意就快D Share啦!