2015年7月3日 星期五

如何避免 WhatsApp對話流出? [忽然1周 - 1040] MW,



《蘋果日報》圖片

靚抽王

如何避免 WhatsApp對話流出?

以前捉人做錯事、講錯嘢,要錄影、錄音、影相,家吓再複雜啲,要搵到喺 WhatsApp流出文字對話或者圖片、影片。你知啦,每個人都有一啲唔想同人講嘅嘢,呢啲嘢,或者係你話政敵係賊,又或者係你同小三調情……總之,如果你唔想你啲 WhatsApp對話流出,咁你一定要留意以下事項:

改個靚名

嗱,識玩嘅一定唔會用自己全名甚至真名,最好用個冇人識嘅名嚟做顯示姓名。而通訊錄入面你班 Fd子嘅名呢,當然亦唔好係用全名。好似近排周嘉儀 BB唔小心俾人影到 WhatsApp,都只係見到對方個名係「 KY」,呢啲咪醒囉。世上 KY無限多,有邊個知講緊係肥仔嗰個?

頭像

WhatsApp入面嘅頭像究竟用邊幅相?梗係唔好用你自己嗰幅啦,你可以放小丸子、加菲貓、進擊的巨人,但係唔好放自己,因為萬一流出都認唔到你,更加唔會咁圖文並茂呀嘛。

Group前 Group後三分險

玩 WhatsApp經常會俾人邀請入 group,有時明明唔關你事,你都喺入面。咁你入咗去,又唔退 group又唔出聲,到 group入面嘅對話流出,你咪佢哋嘅一分子囉。你睇吓前排建制派班 WhatsApp流出單嘢?有出聲同冇出聲都係會俾人笑㗎所以如果唔關你事嘅,盡早退 group啦,如果唔係俾人笑你蠢過隻豬仔呀!

善用 emoji

Emoji即係 WhatsApp入面嘅表情符號,呢啲表情符號係冇所謂嘅正確解釋嘅。好似陳婉嫻議員咁,佢喺建制派個 group度 show咗幾個符號出嚟,曝光後可以胡亂詮釋,即係講乜都得,到時就冇人咬得你入

若要人不知,唔好太低 B

馬賽同吳若希疑似密友劉子健,都曾經流出 WhatsApp裸露圖片及對話。唉,明知有機會俾人睇到,就咪鬼咁大膽影俾人睇溝女唔一定靠 J圖嘅!

S橋王

每期 S橋王幫娛圈偽人偽事度橋脫身,你知啦,呢行好複雜,有乜事俾人捉到正,好大鑊㗎嘛!不過唔緊要,我哋會為你出謀獻策嘅! Super∼∼

鍾意就快D Share啦!
Related Posts Plugin for WordPress, Blogger...