劉德華﹑劉江﹑劉江華﹑江華...哇﹗好亂呀媽咪﹗
劉德華及江華以前被指樣貌同舉動都好似，佢哋12年前（即2003年）曾經同場演出，當時表現十分投契，尤其係江華及華仔合照，以及喺台上演出時，台風同甫士都真係似到爆。
而今午我最期待的畫面，又再出現了，事緣江華喺微博上載兩張同劉德華合照，對上兩人合照都唔知係幾耐之前嘅事咯，兩位美魔男同以往分別唔大，成熟有型又穩重，江華僅留咗一個字：「禪」。
唔知幾時會有劉德華﹑劉江﹑劉江華及江華四人合照呢？
《蘋果》記者今日致電江華，佢話佢哋「有嘢傾」，但就賣關子話暫時唔可以透露詳情。
問係咪劉德華搵佢？江華答得好玄﹕「佢哋有搵我，我都有搵佢，我搵佢時，我發覺佢都有搵我，想同我傾啲嘢。」
係咪劉德華開嘅製作公司，想搵佢合作拍劇？江華就哈哈笑話﹕「呀？係咩？我想拍電影多啲喎，總之暫時唔可以透露。」江華0依家轉咗做保險經紀，但佢話好期待同華仔合作﹕「我一路講，有好劇本、好團隊，有誠意嘅製作一定出嚟，其實我冇話唔拍。」
12年後重逢，江華都覺得今次同劉德華見面好難得，除咗工作，大家仲有傾吓子女經。問佢哋係咪同以前一樣咁有型靚仔？江華話﹕「呢個唔係我哋答，大家都做咗老竇，呢樣喺最大改變。其實我一直唔覺得似，係大家覺得好似囉，最似一樣咪形態，真係好似。」
| 左圖係江華今日放上微博；右圖為2003年兩人喺一個活動上合照。 |  劉華同江華合照，江華留言謂：「禪」（微博圖片） |  江華表示同劉華有傾子女經。（微博圖片） |
 （資料圖片） |
|
鍾意就快D Share啦！
|
|
|
