爛醉遇查牌 差佬寸爆孫耀威陳美詩 [壹週刊 - 1329] 孫耀威,陳美詩,M1,

轉場

夜晚十一時多， Eric與 Macy轉場落 PLAY玩，賀朋友生日。

探熱針

爛醉遇查牌　差佬寸爆孫耀威陳美詩

上週六（ 22/8）晚，孫耀威與女友 Macy（陳美詩）同吳雨霏兩公婆食完飯，再踩落 PLAY出席朋友的生日派對，連走兩場結果醉爆，仲要撞啱差人查牌又冇帶身份證，孫耀威被差佬寸爆，超尷。

醉住轉場

早年搞過酒吧夜店生意的孫耀威，自從○八年與陳美詩一齊後，幾乎絕跡夜場，拍拖七年，二人感情穩定， Macy不再續約無綫，亦隨男友中港台周圍飛，做孫耀威生意上的左右手。

上週六晚，新婚的吳雨霏，在中環 the 50's餐廳酒廊請唱片公司同事食飯，孫耀威與 Macy、 MR.、關楚耀和藍奕邦等也是座上客。飯後眾人在餐廳暢飲夾 band，非常盡興；飲了不少的孫耀威十一點幾與 Macy離開時，已有醉意。

第一場

Eric同 Macy齊齊出席吳雨霏與老公 Brian宴請的飯局，當時 Eric已有醉意。

查牌

玩到興起，差佬忽然踩場查牌， Eric同 Macy冇帶身份證，加上身邊友人口多多，搞到 Eric被差佬即場寸爆。

冇帶身份證

二人由擺花街轉場到 PLAY出席朋友生日 P，玩到凌晨兩點左右，差人查牌！

已爆醉的孫耀威扮清醒，坐定定準備摷身份證，但他和 Macy摷完一輪，才醒起自己原來都冇帶身份證，唯有向差人自首：「阿 sir，冇帶身份證，留咗喺車度。」孫耀威說。

「唔使身份證，我都知你係邊個。」差人一講完，孫耀威身邊的朋友忍唔住爆笑，見班差人口黑面黑，他即示意友人靜少少，結果又被阿 sir寸：「面係人哋俾，架係自己丟，唔好再嘈！」

硬食！但衰在自己冇帶身份證，孫耀威冇 say任踩！

醉住扮醒

去到 PLAY時，已經 high咗的孫耀威要 Macy扶住入場，坐埋枱友人圍住介紹認識新朋友，半醉的他即撐住扮清醒，笑晒吹水。

醉到企唔穩

香檳杯杯清！幾杯落肚後，原本隨住音樂郁的孫耀威突然腳仔軟，企唔穩仆落梳化， Macy拉都拉唔切，身旁友人即幫手，扶他返埋 VIP區。

Macy呵番

掃背

孫耀威醉到趴喺枱， Macy溫柔掃背。

攬住

Macy攬住男友，當細路咁呵。

傻笑

醉晒的孫耀威突然舉起勝利手勢， Macy齊齊配合，好搞笑。

胸壓

見男友忽然企起身想行， Macy出絕招胸壓加環抱，孫耀威冧到定晒，任壓。

撰文、攝影、攝錄：娛樂組

nextplus.nextmedia.com

鍾意就快D Share啦！

下一篇 》