掃呢頁CODE去手機

2015年8月27日 星期四

周嘉儀 high tea當返工 [壹週刊 - 1329] 周嘉儀,嘉儀,M1,



周嘉儀約朋友 high tea,冇拎手袋,電話銀包唇膏,兩手都係,當然,仲有手錶同手鈪,都係 Cartier。

同你吟一吟

周嘉儀 high tea當返工

由八十年代葉雅媛開始,無綫新聞部揀女主播要口齒伶俐,個樣更加要有番咁上下,好似魏綺珊、趙海珠、小飛俠林燕玲,同今年三月尾離職嘅周嘉儀,全部都係省鏡級。

同人夫許方輝不倫戀曝光後,周嘉儀被調離主播最終極嘅《六點半新聞報導》,大勢已去,為將來着想,即刻讀番個工商管理碩士學位,多咗張沙紙,周嘉儀今年四月由最索女主播變身成證券行市場拓展部聯席董事,返中環做高薪 OL。

上星期四(八月二十日)兩點幾,《壹》仔見到周嘉儀約咗喺 TVB做財經記者嘅舊同事陳聞賢,同個女仔朋友去 Cafe Landmark下午茶,三個女人坐低叫咗 tea set,跟住一吹就兩個幾鐘,吹完都夠鐘放工。

據講負責市場推廣嘅周嘉儀,有時要出席其他公司活動搞吓關係,所以唔一定坐 office八個鐘,仲可以 free到 high tea當返工,正呀!

女人可愛唔可愛,都愛裝可愛, 33歲周嘉儀當然唔例外。

吹住水等食,其間周嘉儀用手唧出腰間肉,呻自己肥咗。

Tea完周嘉儀同陳聞賢幫襯買埋月餅,夠鐘收工,周嘉儀返上公司攞手袋走得。

撰文:八珍

nextplus.nextmedia.com

鍾意就快D Share啦!