| 「宅男女神」孫慧雪承認已回復單身，喺新劇同楊潮凱有激情床戲。 | next 1/1 pre |
 | |
| 孫慧雪為新劇勁減十幾磅。 | next 1/1 pre |
 | |
| 孫慧雪話要行氣質路線。 | next 1/1 pre |
 | |
| 孫慧雪 | next 1/1 pre |
擁C Cup豐滿身材的「宅男女神」孫慧雪（阿雪），早前憑無綫劇《四個女仔三個Bar》中「港女」一角獲讚演技。最近，她又被拍得與化妝品牌老闆楊振源約會，惟日前她於微博暗示戀情亮紅燈，阿雪接受《東網》電話訪問時，坦承回復單身，但澄清跟楊生乃好友關係：「感情生活一片空白，啱啱分咗手，依家發覺大家唔同世界，唔可以一齊行到將來。同對方都拍拖三、四年，目前專心工作，期待有個好嘅。（對方有米？）唔係，係正常返office工。（性格不合？）唔想再提。（很傷？）我每次都好認真，所以都很傷，不過近排工作忙，轉移去工作上。」
正拍攝新劇《純熟意外》的阿雪透露，將與楊潮凱有五場親熱及床戲，她指為劇集勁減十幾磅，監製更下令禁食消夜：「有場戲楊潮凱要橫抱我，因為監製唔想佢抱我現青筋，所以要我減肥。（尷尬？）有啲尷尬，因為我哋都熟，但好信任大家，拍前都有傾吓，監製話我要好主動，因為我個角色覺得佢好有型。（有裸露？）唔係好露，可能露吓腿。」劇中，她更會化身「打工王」o靚模着短裙仔。
對於無綫一眾「咪神」彈出，身材fit爆的阿雪笑謂：「我唔夠佢哋嚟，要從另一條路線殺出，我要行氣質路線。（咁講唔驚人哋嬲？）講笑啫，佢哋太強，自己唔夠嚟，所以就收埋。（性感可以急速上位，會試下行性感路線？）咁我考慮吓先，如果公司或劇情需要都會。」不過，她表示從來未去過遊船河，即使游水也會加條褲仔，又自稱「宅女」愛匿屋企睇動漫，認真保守。
|
鍾意就快D Share啦！
|
|
|
