探熱針
廣收新兵 同 24歲嫩草玩埋 鍾嘉欣瘟仔抱抱
今年二月與伍允龍結束八年情的鍾嘉欣，有陳展鵬做觀音兵，閨密胡杏兒又經常介紹筍盤外，早前在內地拍劇更密密收兵，包括只有二十四歲的內地演員丁野，二人拍劇以老公老婆相稱，過三張的嘉欣 BB更與對方豪玩抱抱，完全放低伍允龍。
七夕祝福前度
箍煲失敗！伍允龍早前公開表示，跟鍾嘉欣已有一段時間沒有見面，嘉欣 BB則在中國情人節七夕回禮，以「祝福佢開心同順利」將前度降呢成為普通朋友。
斬斷八年情後，身邊不乏追求者的鍾嘉欣，廣收中港兩地觀音兵，來者不拒。
「早幾個月嘉欣喺橫店拍電視劇《哪吒與楊戩》，大熱天拍古裝，啲演員寧願坐定唔敢周圍行，免得流汗整花個妝，不過嘉欣就周圍同人傾偈，心情好到大家都唔信佢啱啱同男友分手，所以外面啲人仲會話佢同伍允龍係假分手。」知情者說。
出雙入對玩抱抱
據劇組工作人員說，鍾嘉欣跟劇中對手、只有廿四歲的內地新星丁野玩得特別埋，兩人在片場肆無忌憚以老公老婆相稱，過往在香港拍劇，經常坐埋一邊唔多出聲的嘉欣 BB，忽然變 open。
「丁野讀大學時已經係風頭躉，仲入選全國十大校草，嚟緊十二月先滿廿五歲，細嘉欣六年有多，但佢好明顯係對嘉欣 BB有意思，會摺紙花送俾佢，又會叫人買大堆零食俾嘉欣，總之每日都會有新花款。橫店出名熱過人，大家著住古裝熱到冇晒心機，但嘉欣同丁野照玩照抱抱，完全唔覺得係一回事。
「丁野早排本來要嚟香港探嘉欣，但臨時接到 job，唯有取消行程。嘉欣喺劇組好受啲仔歡迎，埋位冇幾耐，已經有個男演員送咗把風扇俾佢，獻晒殷勤。」知情者說。
內地有觀音兵服侍，香港又有陳展鵬隨時候命，加埋好姊妹胡杏兒幫手撥大葵扇，三十一歲鍾嘉欣不愁出路。
重新出發
娛圈工作時間長，選擇範圍有限搵對象難，尤其女藝人，認定目標後，往往一拖十年八載，一旦發現對方原來不是 Mr. Right，再重新出發，亦青春不再。
胡杏兒
嚟緊十一月滿 36歲的胡杏兒，跟黃宗澤拍拖八年，早視對方為結婚對象，可惜男友經常被拍到偷食，杏兒終於爆發， 12年 7月，公開認主動分手，去年在朋友介紹下遇上夜店老闆 Philip，拍拖唔夠一年，盛傳二人年底拉埋天窗。
唐詩詠
唐詩詠 05年開始跟崔建邦傳出緋聞，多年來二人關係糾纏不清，有指在身邊人力勸下，三心兩意的唐詩詠 11年決定斬纜，其間亦傳馬國明有意力追，直至去年，洪永城主動出擊，苦追半年，唐詩詠終於放膽再闖情關，發展新戀情。
撰文、攝影、攝錄：娛樂組
nextplus.nextmedia.com
|
鍾意就快D Share啦！
|
|
|
