掃呢頁CODE去手機

2015年10月21日 星期三

林莉嫻激戰何浩文床戲零設防 何浩文,林莉嫻,林莉,

林莉嫻笑指Dominic於片場常搞爛Gag相當「無聊」。

林莉嫻激戰何浩文床戲零設防

新任「晶女郎」林莉嫻(Leslie)處女下海拍戲,即獻出「銀幕初吻」及「初夜」予「鴨王」何浩文(Dominic)。兩人在床上全裸埋身肉搏,更鬥騷優質股。Leslie未埋位時頗緊張,但Roll機即忘我奔放,表現絕佳一Take Pass。Dominic則笑言事前狂啪蛋白迎戰!

擁有高挑33B身材、標致面孔的模特兒林莉嫻(Leslie),被導演王晶睇中成為「新晶女郎」,闖影壇後即在電影《鴨王2-雞同鴨戀》中孭重戲份,與女主角文凱玲(Connie)、鍾采羲(Iris)及唐紫睿(Hazel)大鬥性感。日前Leslie與男主角何浩文(Dominic),在西貢一獨立屋上演激烈床戰!

玉帛相見唔扭擰

只是第二日開工的Leslie未埋位時表現緊張,不停唸唸有詞,但一Roll機即「上晒身」,按劇情主動向Dominic送抱激咀,加上講對白流利,表現完全不似新人!其後二人換Look上房拍床戲,起初披住浴袍聽從導演姜國民指導,飲水壯膽後,即大解放玉帛相見。Leslie只在三點黐膠紙,Dominic亦只以膠紙遮掩「巨鵰」。雖然現場有眾多工作人員,但做Model時已有拍泳照經驗的Leslie毫不怯場,絕冇怕醜扭擰。兩人在床上身貼身激咀,在被單上翻來翻去,更輪流露出整個八月十五,畫面非常香艷。Leslie全程表現投入,一Take已達標!而面對性感尤物,Dominic仍專業地以手為對方遮掩重要部位以防穿崩。

Leslie一Roll機即「上晒身」激咀,毫不怯場。
  • Leslie一Roll機即「上晒身」激咀,毫不怯場。
Leslie以手遮掩重要部位以防穿崩。
  • Leslie以手遮掩重要部位以防穿崩。
兩人在床上翻來翻去,認真香艷。
  • 兩人在床上翻來翻去,認真香艷。
一輪激吻後Dominic直認Leslie「好咀」,難怪流露一副意猶未盡的樣子。
  • 一輪激吻後Dominic直認Leslie「好咀」,難怪流露一副意猶未盡的樣子。

兩人受訪時,Leslie表示連環獻出第一次,心情難免緊張,幸得師兄Dominic提點:「佢有提我點捉啲Timing,對住佢我會放膽啲。我之前都有對鏡練習,希望表情、眼神做到最好。(裸戰尷尬?)大家都好友善同專心工作,比想像中冇咁尷尬。」

Dominic對Leslie的表現亦讚不絕口:「佢一Roll機就唔緊張,證明身體係習慣演出嘅。佢有心進步,係做好演員必須有嘅條件。(有冇畀佢對大眼電到?)都有,劇情係講我哋想愛不能愛,都幾有feel!」他更讚Leslie比另一拍檔Connie「好咀」:「各有各好,不過揀就揀Leslie,因為高度啱啲。」

何浩文狂啪蛋白

對於全裸上陣,兩人均表示事前努力Keep Fit,希望效果賞心悅目。Dominic更笑言有狂啪蛋白:「呢排係咁食蕉、食蛋、食菜,有信心身形比上一集更Fit!」訪問時Leslie一直表現斯文,但也忍不住笑指Dominic愛搞Gag相當「無聊」。Dominic即呼冤說:「工作咁繁重,我想等大家放鬆吓咋!」大耍花槍。

文:影視組

鍾意就快D Share啦!