掃呢頁CODE去手機

2015年10月14日 星期三

有下文…莊家彬同Mango返豪宅傾通宵? Mango,莊家彬,





其他影片:>>






大家仲記唔記得80億太子爺莊家彬被爆去滾嗰單嘢?滾,係真係滾——打邊爐,但席上有兩女——一個係進擊的Mango王秀琳,一個係本屆退選港姐Judy——巨胸官恩娜,一齊滾嘅仲有其他富二代,包括趙式浩、廖偉麟(廖創興創辦人個孫)。席上莊家彬一臉醉意,左右兩邊各被兩女夾擊,好不忙碌,Mango仲同莊家彬唱K唱到碌落梳化,又試過一邊夾一個(定係俾人夾)high爆坐梳化上引亢高歌。(新聞連結: http://bit.ly/1LKTNmh )

及後莊家彬同Mango事後已經接受《蘋果》訪問時,分別都暗示席上有人放料,矛頭直指巨胸Judy,Judy就喺ig整咗句「讓我靜靜」……咦……(新聞連結: http://bit.ly/1ZxtLXC )

係咪有古怪?唔止!原來打邊爐嗰單疑似放料事件,啲料,未出晒0架。真心唔明成班富二三代同兩女只係去咗一間火鍋店VIP房打邊邊,飲大咗攬來攬去感覺卻似去咗夜場咁。

散場之後,有乜嘢下文呢?就係出車走人喇。今日周刊延續上周爆料啦,話Judy同Mango繼續爭風呷醋,指兩女陪住已經明顯飲大咗嘅莊家彬等車接送,最後莊家彬都係揀咗同Mango上車,將O嘴Judy留在街頭。報道更指莊家彬同Mango出車去到跑馬地豪宅後,兩人一夜未有外出。

莊家彬上周就今次去滾單嘢,回應謂同Mango已相識多年,又暗示有人向傳媒放料,同時更豪氣地謂:「全香港知我有女朋友」(新聞連結: http://bit.ly/1LKTMi4 ),咁女朋友程新惠呢?本來人在米蘭同友人玩緊,有指爆出呢單報道之後,程新惠已急急抵港,睇實男友。(新聞連結: http://bit.ly/1MuFFMQ )

鍾意就快D Share啦!