掃呢頁CODE去手機

2015年12月17日 星期四

米芝蓮星大廚幫湊仔 孫佳君第二春掂晒 [壹週刊 - 1345] __,孫佳君,M1,

41歲兩子之母孫佳君,搭上米芝蓮大廚男友Olivier,成功標尾會。探熱針米芝蓮星大廚幫湊仔 孫佳君第二春掂晒同富貴男友劉貴喬甩拖後,孫佳君重新上市,即使要獨力照顧一對兒子,單親媽依然大把貨賣;去年搭上米芝蓮大廚Olivier,難得男友唔介意買一送二,幫手湊仔。四十有一的孫佳君,第二春掂晒!仲有籌碼做人要有目標!無寶不落的孫佳君,新歡Olivier出身法國廚藝世家,現職三星米芝蓮餐廳大廚,雖然比男 ...


41歲兩子之母孫佳君,搭上米芝蓮大廚男友 Olivier,成功標尾會。

探熱針

米芝蓮星大廚幫湊仔 孫佳君第二春掂晒

同富貴男友劉貴喬甩拖後,孫佳君重新上市,即使要獨力照顧一對兒子,單親媽依然大把貨賣;去年搭上米芝蓮大廚 Olivier,難得男友唔介意買一送二,幫手湊仔。四十有一的孫佳君,第二春掂晒!

仲有籌碼

做人要有目標!無寶不落的孫佳君,新歡 Olivier出身法國廚藝世家,現職三星米芝蓮餐廳大廚,雖然比男友大五年,又是兩子之母,但勝在鬼聲鬼氣又夠放,當眾伸脷濕吻、舔耳、摸大髀,點都得!加上定期維修留住索樣,時時刻刻保持戰鬥格,大把籌碼。

孫佳君寶刀未老,拍拖一年幾乎日見夜見,更難得是 Olivier同她一對兒子,相處融洽。

關係公開後, Olivier主動現身孫佳君有份主演的電影《消失的兇手》首映。

去雪糕店買雪糕,孫佳君俾錢, Olivier就陪住兩個小朋友,在門口食住等。

其間孫佳君遇見朋友,主動介紹男友給對方。

四人拍拖

「 Olivier係法國人,思想唔似一般香港人咁保守,佢性格亦較大細路,同 Pauline(孫佳君)兩個仔相處得好 OK,除咗浪漫, Olivier家庭觀念亦好重, Pauline覺得同佢一齊有安全感。」知情者透露。

上週六(十二月十二日)下午,孫佳君帶埋兩個囝囝與男友銅鑼灣拍拖,一行四人先到 game鋪尋寶, Olivier陪住兩個小朋友睇 game有傾有講,之後去買雪糕,孫佳君負責排隊俾錢, Olivier就陪住女友兩個囝囝食雪糕。

孫佳君第二春,樂觀!

孫佳君去年尾被拍到摸上男友工作的餐廳,當眾纏綿,嘴到伸晒脷。

年過四十,為留住索樣,孫佳君定期進行維修,試過被拍得執樣後雙眼腫如雞蛋。

撰文、攝影、攝錄:娛樂組


鍾意就快D Share啦!