掃呢頁CODE去手機

2015年12月9日 星期三

早餐隊可樂 城大妹減 25磅變女神 [FACE - 446 - 大專校園] __,女神,MF,

Corrine細細個已經開始學芭蕾舞,一學就學咗10年,夢想成為跳舞老師,可惜中三嗰年因去倫敦讀書而放棄咗跳舞,Corrine話:「諗番起都覺得後悔!」U花U草早餐隊可樂 城大妹減25磅變女神12月終於有啲涼,對一眾「有肉地」嘅女仔嚟講,可以着靚靚左襯右襯之餘,仲可以遮住個肚腩同啲「拜拜肉」。21歲讀緊城大嘅陳皓琳Corrine原來細個亦係肥妹仔,中三時屋企人已經送咗佢去倫敦讀書:「嗰陣有2、3個 ...


Corrine細細個已經開始學芭蕾舞,一學就學咗 10年,夢想成為跳舞老師,可惜中三嗰年因去倫敦讀書而放棄咗跳舞, Corrine話:「諗番起都覺得後悔!」

U花 U草

早餐隊可樂 城大妹減 25磅變女神

12月終於有啲涼,對一眾「有肉地」嘅女仔嚟講,可以着靚靚左襯右襯之餘,仲可以遮住個肚腩同啲「拜拜肉」。

21歲讀緊城大嘅陳皓琳 Corrine原來細個亦係肥妹仔,中三時屋企人已經送咗佢去倫敦讀書:「嗰陣有 2、 3個朋友都過咗倫敦讀書,自己又想出去外國見識吓,而且屋企人都覺得外國教育制度好啲,所以就送咗我過去。」

陳皓琳 Corrine  21歲

城大專業進修學院

英語國際企業傳意榮譽文學士 Yr.3

fb: Corrine Chan

ig: CORRINEEEEEE

雖然 10個有 9個都認為自己一個去外國讀書同生活應該學識獨立,但 Corrine就話獨立之外仲變得食唔停:「細個覺得去到外國冇王管,出夜街呢啲唔使講最離譜係同學早餐日日飲牛奶,我就『隊』成支可樂,放學又會忍唔住口痕食 M記,每晚宵夜狂食薯片、公仔麵,逢親假期一定去超市掃貨,次次同個 roommate掃成車嘢食,搞到最肥嗰陣試過成 130幾磅!」

放縱咗 4年, Corrine 13年返回香港讀副學士,即刻瘦番 25磅:「其實冇刻意去減,不過我諗瘦番嘅原因係香港嘅生活節奏勁快,而且讀書壓力又大,同倫敦嗰邊 hea吓 hea吓又一日真係冇得比!」

Corrine唔單只跳芭蕾舞勁,佢仲識彈鋼琴(6級),難怪可以考入全港第一間音樂學校國際基督教優質音樂中學暨小學。

苦苦哀求之下, Corrine終於肯「犧牲色相」公開自己喺倫敦時期嘅肥妹相,塊面……又真係幾有肉地嘅。

畢竟 Corrine都係靚女,試過開學冇耐就有西班牙籍嘅鬼仔狂追,可惜因為男方太花心,最後拍咗一個月拖就散咗。

撰文:彭家駿

攝影:范仲良

形象及化妝: Kika Wong


鍾意就快D Share啦!