【 5/12】
上週六韓君婷再次為 apm做公開活動，提到塌鼻，韓君婷表示已經醫緊，唔想嚇親觀眾咁話喎！
真面目
自知之明 塌鼻未整好 𢱑Job爛做 韓君婷：唔想嚇親觀眾
97年亞姐冠軍出身嘅韓君婷，原本係靚女一名，可惜多年來暴肥又暴瘦，半年前由新加坡回流返港時又自爆仆爆鼻而變歪，「好貴呀，我覺得又冇任何影響，所以冇做到手術。」
有頭髮邊個想做癩痢，據知韓君婷近日心急搵工開，除應付生活開支，更想盡快做鼻型手術。上週六（ 5日）韓君婷出席活動時表示已跟商場簽包薪合約做商演，至於塌鼻亦已逐步醫緊，「逐步做緊，唔想嚇親觀眾。」
已經 40歲的亞姐韓君婷，半年前由新加坡回流返港後，塌鼻一直成為焦點。「之前整親個鼻，其實逐步做緊，你哋漸漸會見到有 improvement（進步），慢慢少少咁，希望唔好嚇親啲觀眾。」當日所見，韓君婷歪鼻仍然嚴重。
千呎屋變上水屋
離港前，韓君婷租住羅便臣道千呎單位；回港後，韓君婷月花九千租住上水三百多呎私人屋苑，生活變得踏實，加上要搵錢，韓君婷返港後一直四圍放風搵工開。
近月已多次為 apm商場做嘉賓的韓君婷，據知已與商場簽定每月 4萬的包薪合約，韓君婷亦直認有合作：「好多時工作都會同商場或者公司有特別嘅 package包俾我哋，我覺得我同佢哋嗰個關係係點，無所謂嘅！最緊要就係我哋大家合作得開心。」
撈埋 YouTuber
其實韓君婷半年前返港，已馬上出席亞視員工「 A記同學會」晚宴，一方面聚舊，另一方面為𢱑撈鋪路。「工作方面已經傾緊，我應該會返嚟主持吓節目、或者拍吓劇集、電影，但係未 confirm到時間各樣嘢；過咗聖誕或者新年就會有一個新開始。」
原來韓君婷除了返回幕前，甚至想做埋 YouTuber。「 YouTube Channel我想做好耐，我遲遲都未做到因為我諗住搬咗新屋之後先至砌好個位。」
做咩都好，韓君婷都係整番靚個鼻先再講
百變 10年
中意混血兒韓君婷， 97年參選亞姐奪冠。曾經在亞視和大台都拍過劇和做過主持，又拍過電影，古天樂和陳冠希都同佢做過對手戲；其多變身形亦一直係焦點。
採訪、撰文：娛樂組
攝影：楊學
|
鍾意就快D Share啦！
|
|
|
