李光洙同兩個女助手去深水埗富昌邨買雪糕，相信佢隔籬個波衫哥哥發夢都估唔到同光洙同場！
真面目
好招呼 林建岳仔中環請客 光洙食唔飽亂入屋邨買雪糕
Oppa李光洙上週三（ 2日）出席 MAMA頒獎禮，撇甩拍檔金鐘國，轉同朴寶英行紅地毯，以最萌身高差成為焦點。
其實光洙早於上週二（ 1日）已到港，玩到上週六（ 5日）先肯走！ 5日 4夜之旅去勻銅鑼灣尖沙咀，身為潮人的光洙去入貨唔出奇，奇就奇在佢上週二晚竟然亂入深水埗屋邨便利店買雪糕！明明有林建岳仔林孝賢請食飯，光洙都要食條雪條先肯返酒店，估唔到呢隻長頸鹿原來咁為食喎！
上週二晚（ 1日） 8點，李光洙同 PSY分別坐車去中環中國銀行建設大廈，未入到大堂，已經見到林建岳仔林孝賢同成隊人出門口迎接。原來林孝賢一早在著名中菜館「好酒好菜」訂枱招待兩位韓星，菜館屬高級中餐廳， Sammi、劉嘉玲和林青霞等都係熟客仔！
PSY企街扯煙
食完好嘢，點知光洙都係唔夠飽，返回 W Hotel途中，竟然亂入深水埗富昌邨一間便利店，左望右望一輪後買走大堆雪糕批返歸慢慢歎！
光洙食唔飽，同樣有份食中菜的 PSY，食完都要扯支煙先走。着住恤衫冷外套的 PSY，比起〈 Gangnam Style〉時期瘦了成個碼，遠睇真係好難認得佢就係「韓國錢國偉」囉！
採訪、撰文：娛樂組
攝影：娛樂突發組
來源 source: http://hk.face.nextmedia.com
|
鍾意就快D Share啦！
|
|
|
