掃呢頁CODE去手機

2015年12月9日 星期三

【前年結婚】鄺敏慧背夫偷食已婚中佬 夜店肉緊攬啜 __,鄺敏慧,

「中巴」曾因被崔健邦暴打而成名(資料圖片)「中巴」前年結婚,但近日被影到同有米中佬喺夜店又攬又啜(資料圖片)曾被舊愛崔建邦毆打的中巴混血o靚模舊愛鄺敏慧(中巴),前年與建築工程老公KitLoo結婚,今日被揭背夫撻著有米中佬,喺夜場又攬又啜,當老公冇到。同中巴夜蒲嘅男人,報道話叫EdwardChow,係一名已婚嘅銀行高層,今年47歲,因成日講粗口而被稱為「粗哥」。而中巴其實今年都仲只係26歲,兩個人 ...


「中巴」曾因被崔健邦暴打而成名 (資料圖片)
「中巴」前年結婚,但近日被影到同有米中佬喺夜店又攬又啜 (資料圖片)

曾被舊愛崔建邦毆打的中巴混血o靚模舊愛鄺敏慧(中巴),前年與建築工程老公Kit Loo結婚,今日被揭背夫撻著有米中佬,喺夜場又攬又啜,當老公冇到。

同中巴夜蒲嘅男人,報道話叫Edward Chow,係一名已婚嘅銀行高層,今年47歲,因成日講粗口而被稱為「粗哥」。而中巴其實今年都仲只係26歲,兩個人做得父女有餘。據報道指中巴成日喺朋友間呻老公俾唔到錢,自己又要養家唯有另辟蹊徑,喺朋友介紹嘅飯局中認識粗哥,兩人一拍即合,粗哥仲豪氣租下月租4萬嘅service apartment俾中巴住。

報道仲話粗哥會帶埋中巴去公幹,仲應承佢會同老婆離婚,中巴就疊埋心水襯同老公嗌交叫搬走,就住咗喺粗哥租俾佢嘅樓度,上星期三就俾人影到佢兩個喺夜店又嘴又攬,甚至中巴要去廁所,粗哥都全程傍實,兩個人玩到凌晨2點先十指緊扣咁走人,返去西營盤嘅service apartment度春宵。

不過粗哥其實無意同老婆離婚,上星期日先同老婆繑晒手同親友食飯,一啲都唔似會搞離婚,不過粗哥依然經常去中巴度過夜,享盡齊人之福。

識好多人嘅o靚模馮鎵瀠(Naomi)原來又認識粗哥兩年,佢今日喺電話受訪表示﹕「大家都係掟波波隊友,我盲撐粗哥,覺得個女仔好唔啱,折散人哋家庭,佢老公仲慘。」而中巴至截稿前仍未回覆。


鍾意就快D Share啦!