因為兩張selfie，令Beyond成員黃家強備受網民鬧爆。不過本報收到消息指，家強事前確以為只是一個周年晚宴，係一個普通job；去到才知有司長有高官，仲有個特首梁振英。
唱完兩首後，家強想走，卻被特首一個馬步衝前「生擒」要同佢合照。最初兩張selfie家強係唔笑，最後才「應要求」笑住交差。
點知呢頭影完，嗰頭又被捉住，同台上一眾權貴唱卡拉OK。照影片所見，家強主要係同政制及內地事務局局長譚志源對唱，同特首一直「保持距離」，唱到「風雨中抱緊自由」時，特首只是唱了「自由」兩字就算了。
因為同特首合照而遭網民力斥，家強今日回覆本報：「我愛我的家，我愛香港。我的堅持會繼續堅持，我從來沒放棄過音樂這個理想。老闆邀請我出席一個私人宴會作演出嘉賓，我用一個專業歌手態度去出席，我付出了專業歌手應有的責任，做好我的表演，唱好我的歌。」
來源 source: http://hk.apple.nextmedia.com
|
鍾意就快D Share啦！
|
|
|
