鬥一世 Stephy避同場 傅穎變大陸組合離奇攞獎 [FACE - 446] __,Stephy,中國,大陸,傅穎,鄧麗欣,MF,

超濃跳樓妝Theresa呢個超濃嘅紅白「跳樓妝」都咪話唔嚇人！好彩唔係鬼節咋！真面目鬥一世　Stephy避同場　傅穎變大陸組合離奇攞獎女人除咗記仇之外，都係記仇。好似傅穎同鄧麗欣呢pair咁，由Cookies年代一路唔妥。上週六（5日）在廣州舉行《音樂先鋒榜》年度頒獎典禮，Theresa突然空降攞獎，仲要火紅上身加烈焰紅唇「跳樓妝」登場，離奇到攞埋組合獎項添！至於原本有份出席的鄧麗欣就忽然甩底唔見 ...

超濃跳樓妝

Theresa呢個超濃嘅紅白「跳樓妝」都咪話唔嚇人！好彩唔係鬼節咋！

真面目

鬥一世　 Stephy避同場　傅穎變大陸組合離奇攞獎

女人除咗記仇之外，都係記仇。好似傅穎同鄧麗欣呢 pair咁，由 Cookies年代一路唔妥。上週六（ 5日）在廣州舉行《音樂先鋒榜》年度頒獎典禮， Theresa突然空降攞獎，仲要火紅上身加烈焰紅唇「跳樓妝」登場，離奇到攞埋組合獎項添！至於原本有份出席的鄧麗欣就忽然甩底唔見人。強國真係乜都有可能發生！

上週六（ 5日），廣州舉行的《音樂先鋒榜》年度頒獎典禮中，原本本地亦有唔少重量級歌手出席，好似影后張曼玉、天后容祖兒同林峯等等，至於冇獎攞嘅 Stephy仍有份亮相海報上，睇落好似好繽紛！

當晚 Theresa嘅「跳樓妝」加埋招牌雞仔聲，成功吸納網民連番負評，大彈佢毫無吸引力！都係嗰句，有人鬧總好過冇人講！

專心強國拍劇發展嘅 Theresa，最近孖住 DJ林琳推出合唱歌〈 OK OK〉，似乎有意再回歸樂壇喎！　網上圖片

密密拍劇密密賺嘅 Theresa，最近孖住姜武、孫偉又完成新劇《完美有多美》拍攝。　網上圖片

Theresa孖住拍檔 DJ林琳嘅合唱歌成功奪得《最受歡迎對唱金曲》組合獎，仲即時將照片放上網同粉絲開心「些牙」，原來喺強國合唱一首歌已經當咗你係組合！　網上圖片

雖然 Stephy當晚冇獎攞，但事前大大個樣就有份出現喺宣傳海報上，反而 Theresa就唔見影邊個地位重啲？一目了然　網上圖片

合唱變組合

之但係到開騷時，說好的 Stephy竟然同容祖兒、張曼玉齊齊玩失蹤，甩底頒獎禮。據知 Stephy缺席， Theresa卻在毫無宣傳下空降現場攞獎兼表演，眼見死對頭避席， Theresa全晚表現勁風騷，但佢火紅打扮加埋濃妝烈焰紅唇嘅「跳樓妝」，真係嚇死人，連網民睇見都俾咗大埋負評！

當晚， Theresa仲孖住強國拍檔 DJ林琳合唱二人新歌〈 OK OK〉，而佢把出名嘅雞仔聲仲被音樂掩蓋過埋，真係有冇走音都冇人聽到囉！而最爆嘅係〈 OK OK〉只係 Theresa同林琳合作嘅一首歌，但佢哋竟然因為隻歌奪得《最受歡迎對唱金曲》組合獎。 Stephy如果在場應該愈睇愈火滾，唔出席都好正常嘅！

【祖兒冇到】

宣傳海報上，身為天后嘅容祖兒張相同個位當然係最靚，但天后一樣冇面俾，公然甩底頒獎禮，繼續同朋友開心疏乎歎世界！　網上圖片

天后祖兒缺席，身為師妹嘅鍾舒漫同泳兒最後都分餅仔各自分到一個獎。

【林峯擸 3獎】

講到當晚最威，一定非林峯莫屬！一個人擸咗 3個大獎，梗係要又跳又唱威下

「點解嘅」吳若希當晚都有一獎，但脹爆包包面明顯好礙眼，即時跌晒「 watt」。

叱咤又點？坤哥離奇入五強

強國頒獎禮就可以離奇攞獎；其實香港頒獎禮都唔好得去邊！新城分豬肉就梗，今年叱咤亦好有「新意」，好似玩投票嘅我最喜愛乜乜乜咁，今年男歌手中，坤哥同羅力威亦可以擠身 5強，可以同 Eason、軒仔同場已經贏咗

網上圖片

叱咤公佈咗組合、男女歌手嘅最後 5強人選， Eason、張敬軒同周柏豪入圍好正常，但奇就奇在坤哥同羅力威都係名單之中，高登仔都鬧爆賽果㗎！

【缺席】

已經 10次奪得叱咤男金嘅陳奕迅，攞獎已經係家常便飯嘅事。不過今年好似又唔出席喎！巡唱搵銀好過

【男銀？】

周柏豪舊年首奪叱咤男金大獎，樂壇成績愈來愈好，今年都好有機會冧莊。

【男金熱門】

張敬軒屬唱得之人，今年亦有唔少 hit歌受網民歡心，攞男金唔係問題。

【陪跑】

星光幫出身嘅羅力威，雖然有份爭男金一獎，不過佢對自己都冇信心，仲話都係陪跑角色，有自知之明！

【當贏】

作為今年樂壇新人嘅吳業坤，雖然唱片同音樂都有一班 die hard粉絲，但咁快就可以爭奪最愛男歌手獎，似乎快咗啲喎！

採訪、撰文：娛樂組

攝影：攝影組

來源 source: http://hk.face.nextmedia.com

鍾意就快D Share啦！

下一篇 》