網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月21日 星期四

《葉問 3》收得 宇宙嫂飲得杯落 [壹週刊 - 1350] __,葉問,葉問 3,M1,

同你吟一吟《葉問3》收得 宇宙嫂飲得杯落安排香港比內地提早三個月上映,打破大陸電影發行常規嘅《葉問3》,舊年聖誕節做到而家,截至上星期五(一月十六日),已經收近五千二百萬,一枝獨秀!老公甄子丹孭飛作品大收,新一年有好開始,宇宙嫂兼經理人汪詩詩,真係飲得杯落!有晚《壹》仔就响上環撞到宇宙嫂,約埋好姊妹陳沛嘉Balia一齊歎日式燒肉,食完差不多九點,都未捨得返屋企!兩個人妻之後去咗附近一間酒鋪,應該買 ...


同你吟一吟

《葉問 3》收得 宇宙嫂飲得杯落

安排香港比內地提早三個月上映,打破大陸電影發行常規嘅《葉問 3》,舊年聖誕節做到而家,截至上星期五(一月十六日),已經收近五千二百萬,一枝獨秀!

老公甄子丹孭飛作品大收,新一年有好開始,宇宙嫂兼經理人汪詩詩,真係飲得杯落!有晚《壹》仔就响上環撞到宇宙嫂,約埋好姊妹陳沛嘉 Balia一齊歎日式燒肉,食完差不多九點,都未捨得返屋企!

兩個人妻之後去咗附近一間酒鋪,應該買慣買熟嘅 Balia負責揀酒,宇宙嫂偶然手指指俾吓意見,之後老闆仲斟咗兩杯威士忌,請兩位阿太試試。

可以唔使錢嗒番杯,又唔使去夜場同人逼,爽死!

宇宙嫂汪詩詩同 Balia都係 model出身,二人共同話題多,雞啄唔斷。

離開日式燒肉店後, Balia帶路去酒鋪。

應該係熟客嘅 Balia同鋪頭老闆十分熟絡。

店內收藏咗唔少特別版威士忌,平時喜歡飲香檳嘅宇宙嫂,都好奇八吓!

兩個人妻喺酒鋪試酒期間發現鏡頭,攞住酒杯嘅 Balia專登行出嚟𥄫吓。

撰文:八珍


鍾意就快D Share啦!