沙田一間中學的數名男生，日前在學校附近的空地，示範「科學實驗」，將化學品放入盛有混合液體的膠杯及玻璃樽後，先後產生兩次爆炸，其中一次爆炸力嚇人，火花濺起兩米，玻璃碎四濺。有讀者看過短片後感到震驚，擔心有不法份子會「有樣學樣」，在旺角等鬧市放「炸彈」，造成重大傷亡事故。由讀者楊先生提供的短片可見，一名穿著校服的男生剪開一個膠裝，以剪刀小心翼翼夾出一件化學品，並遞給身旁的同學；另一名男生則舉起盛有液體的玻璃樽，將它倒入玻璃樽及膠杯內。此時，有人好奇問：「呢個咩嚟㗎？」當得悉是玻璃樽後，拍片者即驚嚇道：「爆玻璃樽！？你黐X線㗎？」雖然該同學安撫到：「唔會呀，冇嘢。」有人仍感到擔心，要求「可唔可以剪細嚿啲？」隨即與多名同學退後至10多米外遠。此時，手持該化學品的男生，將該些化學品分別放入玻璃樽及膠杯內，然後急步離開，相隔3秒後，首先是膠杯傳來一聲爆炸，再隔7秒，玻璃樽亦出現火花並爆炸，而且聲響巨大，火花濺起兩米，玻璃碎散滿地上。旁觀的同學都失聲大叫「嘩！」相當震撼。楊先生估計他們在做實驗，並認為不應該在街頭做。「最緊要注意安全，做足安全措施，戴返啲護眼罩，同埋最好喺科學實驗室度做，有老師監督同評估。」他認為，學生未必知道爆炸的威力可能傷及自己，「可能知道會爆開，覺得得意、好玩，冇諗到後果係咁嚴重」、「萬一唔小心彈到送入院就唔好啦。」鑑於近期有不少「伊斯蘭國」(IS)的恐怖主義式爆炸案，楊先生擔心網民會有樣好樣，「學咗自製炸彈...如果喺啲人多密集的地方咁樣爆發嘅話，後果將不堪設想。」他希望有關學校跟進事件，「我相信佢哋(學生)被罰記過，都好過喺其他地方再咁樣，整傷皮肉唔緊要，但整傷眼，手尾就有排跟。」想睇最新消息？ 即時follow【現場－蘋果突發】fb！http://fb.com/applecitycrime
|
鍾意就快D Share啦！
|
|
|