網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月21日 星期四

夜半後門調情 宇宙 G.E.M.強搶 JW富貴男友 [壹週刊 - 1350] G.E.M.,G.E.M,JW,M1,鄧紫棋

G.E.M.同阿Mark之後去到希慎廣場拍拖,離開時他們唔搭𨋢,寧願行八層扶手電梯,沿途講唔停。娛頭夜半後門調情 宇宙G.E.M.強搶JW富貴男友「宇宙巨G.E.M.」鄧紫棋同台灣歌手林宥嘉分手,由情人變仇人後,做過奀星馮允謙同表妹之間的第三者,最終難逃被飛命運;之後向賭王三房公子何猷啟主動求愛,可惜對方唔落疊。唯我獨大的G.E.M.最近又再主動出擊,並成功搭上一名有米新歡,兩人秘密拍拖兩個月。筍 ...


G.E.M.同阿 Mark之後去到希慎廣場拍拖,離開時他們唔搭𨋢,寧願行八層扶手電梯,沿途講唔停。

娛頭

夜半後門調情 宇宙 G.E.M.強搶 JW富貴男友

「宇宙巨 G.E.M.」鄧紫棋同台灣歌手林宥嘉分手,由情人變仇人後,做過奀星馮允謙同表妹之間的第三者,最終難逃被飛命運;之後向賭王三房公子何猷啟主動求愛,可惜對方唔落疊。

唯我獨大的 G.E.M.最近又再主動出擊,並成功搭上一名有米新歡,兩人秘密拍拖兩個月。筍盤難求!經常要返內地的 G.E.M.,每次返港,必第一時間蒲頭交人。

但原來 G.E.M.新歡 Mark已經名草有主,正印更是同樣是歌手的 JW(王灝兒), G.E.M.明知對方有女友,照樣強搶。

連衰三鑊

JW同阿 Mark拍拖兩年,但當被記者問到二人現時關係時,她說:「我係 single。(係咪因為 G.E.M.令到你哋分手?)真係唔係。(知唔知佢哋拍拖?)應該唔係囉,我哋成班 friend知道發生緊咩事!」

二十四歲的 G.E.M.(鄧紫棋),歌唱事業紅到直衝宇宙(自以為),但感情就鋪鋪衰!一○年秘戀台灣歌手林宥嘉,拍拖四年,有指是基督徒的她,要保持處女之身,堅拒婚前性行為,導致男友背住她出軌,二人最終反面收場。

對音樂才子情有獨鍾的 G.E.M.,分手後搭上奀星馮允謙,但對方原來有個拍拖多年嘅表妹女友, G.E.M.變成小三,但因相信男方解釋同表妹已分手,兩人繼續發展,二人更將一齊行山拖手相上載 Instagram高調放閃。

點知最近馮允謙突然宣布有圈外女友,公開與 G.E.M.劃清界線,宇宙 G.E.M.再一次被飛。

連番打敗仗! G.E.M.決定改變口味,轉溝富二代,因為閨密何超蓮關係,有機會親近到何家三房公子何猷啟,經常到三房大宅打躉,借機同猷啟混熟,甚至親自整甜品送上門,點知三房公子嫌宇宙 G.E.M.多是非,落閘拒愛。

在大陸做完 show返港, G.E.M.由司機接載先返屋企換衫,再外出會合阿 Mark。

行到中層位置, G.E.M.同阿 Mark原本想摸黑到空中花園談心,點知發現人多,立即離開。

臨走前有 fans搵 G.E.M.合照,阿 Mark更幫他們揸機影相。

上個月初,阿 Mark仍與 JW及一班朋友到亞洲博覽館睇騷。

G.E.M.同 JW及阿 Mark識了一段時間,初期都有三人行一齊行山,但後來 G.E.M.偷偷背住 JW,單獨約阿 Mark出街。

拉新歡匿埋傾

眼見好姊妹李蘊閃嫁,超蓮飛甩吳克羣後更加成為富二代(霍啟山、劉根森)你爭我奪的目標,性格唔衰得的 G.E.M.更加不甘後人,主動出擊,最近終於溝掂個陀地闊少,秘密拍拖兩個月。

在剛過去的平安夜, G.E.M.唔返祖國唱歌賺錢,留港瘟仔。化行妝一副戰鬥格,著到紅噹噹會新歡,不過對方就全程戴住口罩,十分避忌。兩人先去開餐,跟住再去碌 lane打保齡。

碌完波已經半夜一點,二人漫步銅鑼灣,而同行的一名朋友更幫眼睇水,留意是否有記者跟踪。行到去時代廣場,一行人企埋一邊傾偈,之後 G.E.M.索性拉住男友,走入時代廣場走火通道防煙門內一個凹位,匿埋依泣談心,至於同行朋友就留守在外,繼續睇水,間中擰轉與二人搭訕幾句,傾了大約半個鐘, G.E.M.因為第二日要早機飛大陸,迫於無奈讓男友送她上的士離開。

因為第二日要工作, G.E.M.要早走,臨走前勁唔捨得,同男友傾了半個鐘都唔捨得走。

傾傾吓, G.E.M.突然拉阿 Mark入後門凹位匿埋, G.E.M.狂電男友。

明做小三

平安夜 G.E.M.同阿 Mark去碌 lane,同行還有 G.E.M.老死大台小花鄧佩儀。

據了解, G.E.M.的新歡叫 Mark Ngai,二人年齡相若, Mark屋企十分有錢,不過,原來他有女朋友,和女歌手 JW(王灝兒)拍拖已接近兩年。

「 G.E.M.識阿 Mark已經知道佢同 JW拍緊拖,開頭都冇乜嘢,仲成日三人行一齊玩,又一齊去行山,不過玩玩吓, G.E.M.同阿 Mark突然多咗私下聯絡。 G.E.M.覺得同阿 Mark好啱 key,兩個成日講音樂,講講吓講到有晒 feel,佢就主動約阿 Mark單獨出街,阿 Mark又好受落,成日瞞住 JW同 G.E.M.去街。」 G.E.M.身邊人說。

返港即交人

雖然明知男方有個正印女朋友, G.E.M.決定強搶,無畏做小三繼續去馬!日前 G.E.M.從內地返港,回家換過衫後,出車去中環購健康食品,買完就直奔銅鑼灣時代廣場,會合有米仔 Mark,一齊行去希慎廣場,在誠品書店打了一陣書釘,跟住再去搵食醫肚。

離開時, G.E.M.同 Mark寧願由八樓搭扶手電梯逐層落,兩人沿途不停傾偈,更一度行出去商場的空中花園,坐低慢慢吹,但因為花園內人太多,才打消原意。

之後二人發現記者影相, Mark立即急急腳送 G.E.M.上車後,再極速跑回商場,狂奔避追訪。

阿 Mark在 Ig上 post了 G.E.M.相,仲話係 G.E.M.親手餵佢飲湯,愛得十分高調。

眼見李蘊結埋婚,超蓮又超多仔溝, G.E.M.為了有男友,明知對方有女友都唔放過。

因為超蓮關係, G.E.M.輕易埋到何猷啟身,可惜男方嫌她太多是非,一早拒愛。

之前同馮允謙一齊行山,兩人拖晒手影合照,去玩機動遊戲時,又戴晒情侶口罩。

哈哈回應

被問到是否同阿 Mark拍拖, G.E.M.表示兩人只係朋友關係,唔認做人小三。

本週二(一月十九日), G.E.M.外出到超市購物,記者上前問她回應。

壹:壹週刊  G: G.E.M.

壹:近排影到你同個男仔成日一齊,拍緊拖?

G:影到我同男仔一齊呀?(皺眉)喺邊度?(俾張相嚟睇)

G:嘩!哈哈哈,呢啲全部都係我哋朋友圈入面,你睇我哋……(咁靚仔無諗過咩?)你睇我哋開聖誕 party,全部大合照入面,喂,唔好將我同我啲朋友每一個都傳緋聞(笑晒),太搞笑

壹:有冇發展機會?

G:梗係……唔會啦,朋友嚟㗎!

壹:知唔知馮允謙有新女友?有冇恭喜佢?

G:(搶答)梗係知朋友嚟㗎嘛!(你識佢女朋友?)唔識。

壹:(被飛)唔會唔開心?

G:哈哈哈,唔好咁搞笑啦你哋。

有米外公

家底豐厚的 Mark Ngai,出身顯赫,外公是現任金融公司老闆王國旌, 81年,曾與大美人關之琳在拉斯維加斯閃婚。 Mark母 Jannine是生意人,與四洲太子女戴凱欣合資開餐廳 Room 28,與眾多圈中人熟絡, Mark亦不時於網上 post明星合照外,亦愛於 ig大晒滑雪、船 P照,典型富二代。

晒車

晒識食

晒身形

晒蒲

惡啃女友

一向目中無人的宇宙 G.E.M.,得罪前輩甄妮,又在網上寸爆楊千嬅、鄧麗欣冇料到。參加《歌手 2》爆紅後,更加自我膨脹,拍廣告獅子開大口,接商演要求多多,實行「國際式」訪問得罪傳媒。工作上犯眾憎,私下一樣惡頂,同林宥嘉秘交多年,分手後公開插爆對方,反目成仇。

嚴重公主病

身為家中獨女的 G.E.M.公主病嚴重,偏偏林宥嘉性格大男人,拒做受氣袋,拍拖四年,二人經常為小事嗌大交。

拖手騷逼公開

13年舉行的台灣金曲獎,有指當時在台灣知名度麻麻的 G.E.M.,自度拖手騷,焗男友公開戀情,二人十指緊扣行紅地氈,成功騎劫金曲獎。

分手後唱衰

分手後 G.E.M.在私人 fb唱衰林宥嘉,指對方經常在訪問中提她的名字借她宣傳,兼且「從來沒跟我提過分手……原來人家早已在外面風流快活。」直指對方劈腿。

撰文、攝影、攝錄:娛樂組


鍾意就快D Share啦!