探熱針
三嫁小雪 拖韓國老公嘴住揀 bra
經歷兩次婚姻失敗的小雪，去年情人節帶埋一對同母異父的子女，改嫁細她四年的韓國男 Robin Cheung，定居澳洲。近日和老公返港探親，全程上演甜蜜真人騷，當街又攬又錫，連揀 bra都要嘴。屢敗屢戰的小雪，終於找到幸福！
終於有拍拖感覺
下月便三十七歲的前歌手小雪（原名蔡雪敏），情路坎坷，兩段失敗婚姻，都因為男方偷食！
第一任老公、永安旅遊前太子爺陳迅元色膽包天，同老婆去台灣旅行期間，收埋「大乳牛」蔡慧敏在另一間酒店房，離婚收場。○八年小雪帶同女兒 Ronni改嫁家族在澳洲有四間酒樓的陳姓華人，為對方誕下一子，但婚後老公不斷偷食，小雪再度離婚。
一四年，小雪跟韓國男 Robin Cheung撻着，拍拖大半年，去年情人節第三度披嫁衣。
「我哋係朋友介紹識，其實我都係第一次有拍拖感覺，以前自己將次序調轉晒，一鍾意就結婚生仔，但今次拍吓拖先，互相了解吓先。」小雪說。
老公細自己四年，還有一對同母異父的姊弟，但小雪表示 Robin與夫家，都很愛錫一對子女。
「 Robin媽咪之前買咗好多衫寄嚟澳洲送俾佢哋，真係好感動！」
當眾又攬又錫
已經兩年沒有返香港，趁學校假期，小雪舉家回港探親。
週日（一月十七日），小雪交低仔女給親友照顧，自己陪老公到沙田行街。化了淡妝的她仍然省鏡，但沿途已沒人認出她，兩公婆更如熱戀情侶般，在商場當眾又攬又錫！
小雪行了多間時裝店，陪買的 Robin表現耐性，更出手幫老婆挑選內衣。小雪拎住做緊大減價的粉色 bra研究，其間 Robin見她眼角化妝花了，主動出手整理，之後趁附近冇人，嘴啖老婆。
唔係大男人
翌日（十八日），約了 BMA舊同事在中環聚會的小雪單獨行動，之後再到位於灣仔的 Red Mr參觀。
問她是否打算回港發展，小雪笑着說：「我返嚟探你哋！」
終於揀啱人，搵到幸福，小雪決定在澳洲落地生根。
「其實仲有好多親戚未見過 Robin，所以小雪專登同老公返嚟見吓佢哋，雖然 Robin係韓國人，但一啲都唔大男人，佢知道小雪以前係做娛樂圈，仲話如果老婆想復出，會全力支持。不過小雪好喜歡澳洲嘅生活，又想對仔女喺嗰邊讀書，所以暫時唔會返香港做嘢。」知情人說。
捱騾仔養家
事實上，對於現任老公，小雪曾表示很感激，因為前兩任丈夫追贍養費好艱難，家庭經濟重擔落在 Robin身上，為了一對仔女，曾經捱麵包、食杯麵。
據了解 Robin本身在韓國任職新聞界，但為了留在澳洲，不惜轉行做髹油漆；努力學英文，希望將來可以做回老本行，給他們有更好的生活，是絕世好男人！
衰偷食
下月便滿 37歲的小雪，十年來經歷兩段不愉快婚姻外，兩個前夫更不負責任，一個拖欠贍養費，一個追還車，直至遇到懂得珍惜她的韓男 Robin，小雪三嫁再做人妻。
《前夫爆房》
04年跟第一任丈夫陳迅元結婚後誕下女兒 Ronni，身為永安旅遊太子爺的陳迅元，婚後愛蒲愛偷食， 05年被踢爆跟妻女到台灣旅行時，在同一酒店跟「大乳牛」蔡慧敏爆房， 06年離婚。陳迅元因拖欠贍養費和律師費 30多萬， 11年被小雪入禀法庭，申請破產。
《收車收樓》
08年，小雪改嫁澳洲籍華裔陳姓酒樓老闆，並為對方誕下一子，第二任丈夫同樣唔生性，結婚六年，忍唔住丈夫不停偷食的小雪， 14年 3月決定離婚做單親媽媽，離婚後，男方不單要求將二人的聯名住宅收回，又沒收小雪用來接載兒子上學的私家車，就連 500蚊澳紙贍養費，也要逐個星期俾，小雪當時忍唔住在 fb控訴「咄咄逼人，天理何在？」
愛情至上
00年簽約 BMA出道的小雪，同年 3月首推同名 EP有 3萬銷量，一年內出三碟的她，橫掃年尾頒獎禮新人獎，人氣超越同期新人李彩華及彭海桐。
被公司力捧，小雪開音樂會、拍電影及接演大台劇《 FM701》，亦一度進軍台灣及內地市場，不過戀愛大過天，小雪 04年下嫁第一任丈夫陳迅元，慢慢淡出娛樂圈。
撰文、攝影、攝錄：娛樂組
|
鍾意就快D Share啦！
|
|
|