網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月21日 星期四

拒養女 周永恒唔肯離婚 阿 Yu:要等多一年 [壹週刊 - 1350] 周永恒,M1,趙頌茹

雖然獨力養女好吃力,但亦因兩個小朋友,阿Yu話:「佢哋令我由怕事懦弱,變成堅強。」探熱針拒養女 周永恒唔肯離婚 阿Yu:要等多一年為逃離家暴,零積蓄的阿Yu14年帶住兩個女,自力更生。但分居至今,兩個女的生活費,一直由她獨力承擔。去年被小三Ruby狠撇的周永恒,近期搭上𡃁模周芷儀,有錢溝女但堅持唔俾錢養女,更加唔離婚。被迫「苦候」多一年才可以正式離婚的阿Yu,唯一安慰是兩個女,「日子再辛苦,都唔會 ...


雖然獨力養女好吃力,但亦因兩個小朋友,阿 Yu話:「佢哋令我由怕事懦弱,變成堅強。」

探熱針

拒養女 周永恒唔肯離婚 阿 Yu:要等多一年

為逃離家暴,零積蓄的阿 Yu 14年帶住兩個女,自力更生。但分居至今,兩個女的生活費,一直由她獨力承擔。

去年被小三 Ruby狠撇的周永恒,近期搭上𡃁模周芷儀,有錢溝女但堅持唔俾錢養女,更加唔離婚。被迫「苦候」多一年才可以正式離婚的阿 Yu,唯一安慰是兩個女,「日子再辛苦,都唔會覺難頂。」阿 Yu說。

憂柴憂米

一個女人帶住兩個女,阿 Yu無多餘錢請工人,單親生活尚可勉強應付,但親子旅行之類活動,對她來說是奢侈。當年做人妻冇度蜜月,生了兩個女,亦未去過家庭旅行,直至去年底,阿 Yu參與有線的親子真人騷,才有機會帶埋兩個女去台灣。

大女信希今年升小學,開支使費再加磅。

「呢個人生過程,確令我上咗成長一課,無論係經濟抑或管理;一個冇嘢做嘅女人,變成帶住兩個女走出嚟,每個月都憂慮交租同應付其他開支,頂到呢個月,咁下個月又點呢!不過驚又咁過,唔驚又咁過,見又過到喎!每個月好似升 level咁,心態上有進步。

「小朋友開支係多,尤其你好想培養佢,需要學吓嘢,開學又要使一筆。以前好驚知道每個月用咗幾多錢,依家咪諗吓呢度慳啲嗰度慳啲,好在未試過入不敷支,夠生活已經好滿足。」阿 Yu說。

五歲的大女信希與三歲細女愛希嗲到爆,早前同媽咪藉接拍有線親子真人騷《帶阿 B去旅行》,三母女首度出埠旅行。

阿 Yu話兩姊妹平日起身第一件事就係嗌交,但出埠拍嘢竟然合拍到爆,家姐怕污糟怕臭,細妹自動請纓頂晒餵動物的「粗重功夫」。

周永恒早前為新歌 MV劇情,安排與緋聞女友𡃁模周芷儀拍床戲。

改變初衷

與周永恒分居一年多,男方去年底與小三 Ruby姦情玩完,隨即搭上𡃁模周芷儀。外界以為他跟阿 Yu已辦妥離婚手續,但實情周永恒快活攬女的同時,又唔肯離婚,阿 Yu要「苦候」多一年,才能正式撇清關係。

對於前度唔合作,拒簽離婚書一事,阿 Yu答得隱晦。

「我循住法律途徑搞,之前諮詢過以雙方同意(方案)咁離婚,但去到依家需要改變,要等多一年先可以,依家處理緊。(對方唔肯離婚,所以要你等?)進展唔到第一個 choice。(唔離婚嘅理由係咩?)唔知,根本溝通唔到。」

早前周永恒與連詩雅前度曲赤,及被傳是𠝹女王的魏焌皓孖住夜蒲,但原來他一直未肯簽字離婚。

為令生活再可改善,去年底還開始創業,在網上賣自家設計的衫,又做埋 model。「創業過程可以建立自己。」她說。

去年學埋化妝,為想多一技傍身,賺錢養女。

有咗經歷,阿 Yu之前拍港台劇,一幕內心戲眼淚話嚟就嚟!

拒養兩女

周永恒唔肯離婚,連女兒基本生活費亦不願負責。

「之前有傾過大家點樣一齊養大佢哋(兩個女),但第一步都做唔到,唔同意離婚,就做唔到之後啲嘢。(即係分居之後佢都冇俾小朋友生活費?)我咪靠自己養大佢哋囉。(各自負責一半都唔肯?)達唔到共識。唔緊要,小朋友係我嘅,作為媽咪會盡力俾最好嘅嘢佢哋。(周永恒有冇見兩個女?)見咗,但詳情唔方便講。」阿 Yu一臉無奈。

大女今年升小一,雖然將要面對更大開支,但阿 Yu話:「日子可能好辛苦,但見佢哋開心,我就開心,幾辛苦都唔會係難頂。」

去年底狠飛周永恒兼爆男方使咗佢廿萬的小三 Ruby,近日經常遊山玩水。

周永恒在個多月前曾跟女兒見面,希望今後他願負起兩個女兒的生活費。

自力更生

女人比男人更願意承擔!單從圈中女星離婚後分唔到前夫一分一毫,獨力肩負供養子女責任的例子,便證明此言非虛。

葉蘊儀

95年與從事玩具生意的商人陳柏浩閃婚,並誕下一子一女, 00年,葉蘊儀因丈夫不忠離婚。被前夫拖欠贍養費的她,為了一對仔女,做過地產經紀、零售經理、出版手工藝書及復出拍戲,甚至做幾份工。

鍾麗緹

與首任英籍丈夫 Glenn Ross 99年離婚後,要養女的她拍了兩部要裸露演出的電影《晚孃》及《色戒》。 03年鍾麗緹再嫁內地音樂人嚴錚,並為對方誕下兩女, 11年又離婚。定居北京的她獨力照顧三女,因為吃得開,密密執!

黎燕珊

黎燕珊 92年與劉永結婚後淡出幕前, 04年離婚,一對子女跟她。雖然冇俾過贍養費,但黎燕珊轉戰保險業成績驕人。

撰文、攝影、攝錄:娛樂組


鍾意就快D Share啦!