| 李藴懷孕後首現身。 | next 1/1 pre |
已為人妻的藝人李藴到將軍澳一商場出席團員揭幕禮，身穿白色裙現身，昨日宣布懷孕的她見到她明顯肚凸凸，更即場親自炮製愛心湯圓。她亦在台上表示懷孕的感覺好似肚腩大咗，如今兩個人一齊出席活動，笑說：「我都同BB講，咁細個就要陪我出嚟做嘢。」
接受訪問時，李藴透露已懷孕21周，而預產期是5月尾，並會在香港生B。問到她BB性別時，她大賣關子說：「自己知，我同老公都知，唔講，到時大家就知。自己一直都好想在30歲之前完成結婚同生BB，現時24歲就嚟25歲，睇吓完成得幾多。」
問到好友何超蓮同G.E.M.可有爭認契媽？她笑說：「佢哋話唔係叫auntie，係叫契媽！（買補品畀你？）冇啊，佢哋好鍾意BB之後一定會好錫佢！」又透露因為老公工作基地位於廣州，所以要兩邊走。
至於工作方面，她表示已經有一排冇做，但如果大家唔嫌她日後又肥又醜，都會繼續工作。提到可會拍大肚寫真，她直言想：「唔好有紋，有紋都唔知點算！」
李蘊又表示懷孕很高興，因註冊後都想有bb，但冇諗過一兩個月咁快就有，而大住肚擺酒係男家覺得應該擺咗先生，而等生完B後會喺香港補擺酒。提到擺酒當日的照片身材很好？她踢爆係因為超蓮係改圖高手，所以改到她身材好好。
問到霍啟山可有認契爺及昨日被拍到跟李蘊、超蓮等人食飯，李蘊話：「佢好遲先嚟，我哋都想見佢，我都係朋友見過一次，佢親身來恭喜我。（佢同超蓮拍拖？）冇拍拖。（追緊超蓮？）佢好多人追，唔知。（其中一個？）er...可能係啦，單身女仔好正常，唔通嚟追我咩。」又話超蓮同G.E.M.都好恨拍拖。
另外，問到有傳G.E.M.撬JW富二代男友Mark，李蘊話：「冇可能，個男仔見都未見過，如果佢哋拍拖唔話我知我會好嬲。」
來源 source: http://hk.on.cc
|
鍾意就快D Share啦！
|
|
|