網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月18日 星期四

爭風呷醋搏黃秋生點燈 [壹週刊 - 1354] __,秋生,黃秋生,M1,

娛樂偵訊爭風呷醋搏黃秋生點燈黃秋生跟同是演藝學院出身的甄詠蓓13年合作開辦的戲劇班,一直為圈中藝人熱捧,門下的蔡思貝,更被黃秋生力薦在張家輝執導的《陀地驅魔人》中擔正,因而獲提名今屆香港電影金像獎最佳新人。見同班同學有恩師鋪路入影圈,一班圈中女學生唔執輸,在團拜日施展渾身解數,出招搏黃秋生好感。送奧斯卡獎上週五(二月十二日),一班學生跟導師黃秋生及甄詠蓓拜年兼慶祝上課一周年,由下午開始玩到黃昏,有 ...


娛樂偵訊

爭風呷醋搏黃秋生點燈

黃秋生跟同是演藝學院出身的甄詠蓓 13年合作開辦的戲劇班,一直為圈中藝人熱捧,門下的蔡思貝,更被黃秋生力薦在張家輝執導的《陀地驅魔人》中擔正,因而獲提名今屆香港電影金像獎最佳新人。

見同班同學有恩師鋪路入影圈,一班圈中女學生唔執輸,在團拜日施展渾身解數,出招搏黃秋生好感。

送奧斯卡獎

上週五(二月十二日),一班學生跟導師黃秋生及甄詠蓓拜年兼慶祝上課一周年,由下午開始玩到黃昏,有飲有食!趙碩之更特登訂製了一個奧斯卡獎送給黃秋生,氹他開心。

「 Wylie(趙碩之)睇報導知老師(黃秋生)講過攞完視帝仲想攞埋奧斯卡,於是專登整咗個獎送俾佢,話等佢完成心願。」知情者說。

跟去年團拜一樣,大部分學生都有出席,聯誼之餘,又會扮鬼扮馬影相自娛。

趙碩之 主動嘴

顏子菲 鍊骨

沈卓盈 發嗲

「今年啲女同學特別積極,不停圍住秋生。其實自從秋生推薦咗蔡思貝俾張家輝拍戲,第一次就做女主角,搞到有機會提名,佢哋對秋生更加唔同!一有機會,就係咁黐住傾偈。其實蔡思貝喺影圈真係新人,又俾人笑雞仔聲,但佢好識氹秋生,落堂問功課,得閒又約食飯;秋生覺得佢對演戲好有誠意,所以特別關照。」

當晚大合照時玩主動出擊,趙碩之跟顏子菲再單獨跟黃秋生合照時,一個繼續攬到實,另一個則將手放在男方大髀上。

去年團拜守規矩

去年趙碩之跟顏子菲都有出席師生團拜,但就表現斯文,在黃秋生身旁十分規矩,沒有今年般猴擒。

推蔡思貝做女一

蔡思貝識搵機會!在無綫多年,有樣有身材的沈卓盈,去年亦報讀了「大師班」,今年首次參加團拜活動的她,亦出擊搏好感。

「 Jessie(沈卓盈)全程好似表現得好怕醜,但同秋生傾偈就鬼咁嗲,秋生一向對佢印象唔錯,所以嗰日都特登搭住佢膊頭影合照, Jessie扮不知所措好配合,影完相仲第一時間放上微博,之後 Wylie亦唔執輸跟住擺 fb,大家鬥多相。」知情者說。

影大合照時,趙碩之為求突出,要求擺多幾個甫士,攬完換位跟住又嘴。

「 Wylie之後仲將嘴相標示『 NEW BOYFRIEND』放上網,不過事後驚俾人誤會,又補鑊解釋話自己貪玩,同秋生亦師亦友,所以先會咁大膽。其實,佢夠主動仲啱秋生。」

蔡思貝有機會拍張家輝進身大銀幕,更孭正做女一,難怪令一班同學葡萄。

蔡思貝早前被報大學歷,是非纏身的她也有約黃秋生吃飯傾訴。

沈卓盈有樣有身材,做戲亦搏盡,不過在大台多年,依然未有機會升做女一。

入行多年的趙碩之,是𡃁模始祖,也出過凸點寫真集。

搵位埋身鍊骨

至於一直視黃秋生為偶像,被指對老師有意的顏子菲,當日反而比較克制;見趙碩之扮嘴,顏子菲未有即時做嘢,但之後卻吼準機會,趁黃秋生冇人圍,攝位幫他鍊骨獻殷勤。

「秋生一向來者不拒,同啲女仔又特別傾得埋,好似 Isabella(梁洛施)每次返香港,都會約佢見面;不過團拜嗰日啲女仔真係好主動,個個爭住搏好感,好明顯,大家都想好似蔡思貝,有機會俾秋生點燈。」知情者說。

黃秋生跟韋家雄去年合作電視劇《梟雄》,分別獲視帝及最佳男配角。

黃秋生演戲掂,出過唱片的他,間唔中也會技癢出活動唱歌。

梁洛施成三子之母後,每次返港都會跟黃秋生見面食飯,可見他吸力強。

蔡思貝演出《衝線》時,被指雞仔聲,她表示當時黃秋生也有指導如何改善。

受歡迎男

黃秋生有料到,又肯助旺身邊人事業,獲不少女星爭相獻媚。所以,男人的魅力唔一定來自錢多和靚仔,騎呢一樣得!例如來自台灣的金剛。

12年主持無綫遊戲節目《五覺大戰》時,當時人氣爆燈,性格又鬼鬼馬馬的金剛,氹到「神獸天使」 32D蔡慧欣和 34C陳芷尤不知幾開心,二人更不避嫌爭「入宮」,神氣金剛話:「唔知揀邊個好?」

點中你是榮幸

黃秋生點石成金!先有蔡思貝拍到七料影帝張家輝,再被提名金像獎最佳新人;就算陪襯多年的韋家雄,跟黃 sir合作大台劇《梟雄》,亦獲點化,演技大躍進,結果攞埋台慶「男配角」獎。

陳煒

出席《梟雄》大結局晚宴,秋生激讚陳煒有女人味,更睇好她攞視后。雖然陳煒最終落空,但近日卻可以首度擔正拍新劇《火線下的江湖大佬》,好開始。

方皓文

N年前已經睇中郭富城舊愛、唱作歌手方皓文,除免費幫她拍 MV外,早前又再點名搵她做「舞台神劇」《 EQUUS馬》女主角,與張敬軒有不少火辣床戲。

麥皓兒

秋生拍《梟雄》時連「妹仔」都有留意!他曾經公開讚胡杏兒身後冇乜對白的「妹仔」麥皓兒好戲,更呼籲監製、導演俾她機會。

撰文、攝影、攝錄:娛樂組


鍾意就快D Share啦!


Related Posts Plugin for WordPress, Blogger...