掃呢頁CODE去手機

2016年3月23日 星期三

致富智庫:致富智庫:驚畀人炒?醒你9招隨時復活 __,

next1/1pre執晒包袱捧住個紙皮箱行出公司?呢位Sarah試過,仲要係兩年內接連畀人炒兩次。然後?佢悟出翻身招,之後一個個國際品牌爭住請佢揸旗!復活其實有方法。SarahRobbO'Hagan今年得44歲,已經做過Nike市場總監兼總經理、Gatorade(佳得樂)總裁、美國著名健身企業Equinox主席,依家自己出嚟搞教育平台。咪睇Sarah今時咁成功,佢亦一度以為自己就咁玩完。話說佢廿幾 ...


next 1/1 pre

執晒包袱捧住個紙皮箱行出公司?呢位Sarah試過,仲要係兩年內接連畀人炒兩次。然後?佢悟出翻身招,之後一個個國際品牌爭住請佢揸旗!復活其實有方法。

Sarah Robb O'Hagan今年得44歲,已經做過Nike市場總監兼總經理、Gatorade(佳得樂)總裁、美國著名健身企業Equinox主席,依家自己出嚟搞教育平台。

咪睇Sarah今時咁成功,佢亦一度以為自己就咁玩完。話說佢廿幾歲喺維珍航空做Marketing,畀人炒咗後,去遊戲機公司Atari Interactive做VP,又畀人裁員。嗰時佢接近30歲,簡直係人生谷底......點之,咁反而畀佢悟出「復活」大法。

袋定以下9招,用來調整心情,何止翻身,掌握得好,直頭曉飛。

==============

1、自我檢討

Sarah話,畀人炒正正係一個檢討自己嘅機會,望真吓自己。

2、醒覺打不死

反正都去到呢個地步,學Sarah話齋,仲有咩好驚?想做就去做。

3、認清情緒釋放

另外有專家話,唔使扮冷靜,但亦唔係發難渣。先自問係傷心?不甘?定乜?認清情緒係最正面嘅釋放方法。

4、保持生活正常

瞓足8粒鐘、早起、做運動、扮靚,出街見吓人,Keep住自己「有嘢做」,千祈唔好「宅」喺屋企。

5、多謝番炒你嘅人

畀人炒難免會有怨氣,記住大家都係為搵食啫,唔單止要放低怨氣,甚至不妨寫低舊老闆與同事嘅優點,再勁啲就Email話番佢哋知,多謝佢哋教過你嘢。呢招唔係人人得,不過若然做得到,何止再見亦是朋友,分分鐘將來請番你添。

6、搵10年冇見朋友食飯

咁直頭有幫自己換新血作用,仲可以放聲氣出去搵工。

7、寫低自己威水史

被炒最Hurt,就係冇晒自信。係時候寫低自己啲威水史,話畀自己聽自己其實好有料,有市有價。

8、諗定對象 度定橋

諗定想去邊度做、同咩人一齊做嘢,度定10條橋點幫呢班對象賺錢。唔單止Keep住個腦郁,啲橋仲真係可以去Sell,呢個唔得搵下個。

9、Cut走非必要開支

呢樣必須做,唔使多解釋啦。


來源 source: http://hk.on.cc
鍾意就快D Share啦!