掃呢頁CODE去手機

2016年3月23日 星期三

永遠的都敏俊千頌伊 韓劇最佳 CP仲係佢哋? [FACE - 461] __,千頌伊,MF,

全知言永遠的都敏俊千頌伊 韓劇最佳CP仲係佢哋?家陣要煲劇,梗係韓劇啦,唔通講大台嗰啲咩?就連大台班忠粉師奶客都已經放棄部電視機,望實個iPad過日辰,亦好自然佢哋心目中嘅螢幕情侶再唔係大台小生花旦,而係一眾韓星。喺一班藝人心中,13年嘅《來自星星的你》金秀賢同全智賢依然係佢哋心目中最佳couple,不過過多一個月未必係咁諗,因為《太陽的後裔》走勢好勁呀!陳瀅我最深印象就係《來自星星的你》,因為全 ...


全知言

永遠的都敏俊千頌伊 韓劇最佳 CP仲係佢哋?

家陣要煲劇,梗係韓劇啦,唔通講大台嗰啲咩?就連大台班忠粉師奶客都已經放棄部電視機,望實個 iPad過日辰,亦好自然佢哋心目中嘅螢幕情侶再唔係大台小生花旦,而係一眾韓星。

喺一班藝人心中, 13年嘅《來自星星的你》金秀賢同全智賢依然係佢哋心目中最佳 couple,不過過多一個月未必係咁諗,因為《太陽的後裔》走勢好勁呀!

陳瀅

我最深印象就係《來自星星的你》,因為全智賢好靚女啦,同埋男主角係女仔夢寐以求嘅 perfect man,最好睇係劇集中兩位好細微,但好 sweet嘅動作,唔係要做到好多嘢,買好大紥花,呢啲先叫做 sweet,好簡單喺你額頭鍚一啖,幫你蓋被,好小嘅動作,女仔喺韓劇見到就覺得好 sweet㗎喇!

蘇麗珊

我自己最鍾意嘅韓劇就係《來自星星的你》,最鍾意嘅 couple係全智賢同金秀賢,因為佢哋喺劇集入面嘅相處好有火花,佢哋相處好好笑,唔會好客氣,兩個人嘅對話都好好笑,我好鍾意咁相處。我都覺好浪漫,因為金秀賢喺劇中做外星人,咁佢同全智賢嘅愛要穿越好多年,我自己睇覺得好感動。

Christy Lai

我最近睇咗套叫《 Pinocchio》,我覺得女主角朴信惠,男主角李鍾碩係最佳嘅 couple,因為佢哋兩個好襯呀,同埋做戲好好睇,女主角做得柔情啲,男主角就做得剛強啲,兩個都做得真情流露,所以好鍾意睇。

網上圖片

街坊揀 CP:《繼承者們》李敏鎬同朴信惠最襯

韓劇係咪咁好睇?其實劇情都係男女感情,說穿了就係睇靚仔,人哋個個都係小鮮肉,高大靚仔大隻,唔通睇大台嗰啲年近半百嘅潮流教主咩?

Dewey:

《天國的階梯》覺得兩位主角好襯,最記得男主角孭女主角返海邊間屋。

Crystal:

我覺得《繼承者們》李敏鎬同朴信惠最襯,一開頭覺得李敏鎬好靚仔啦,而且一直都有追開兩位主角嘅戲,女仔都係鍾意睇浪漫嘅劇情。

即時報料 facepop

熱線: 9222 0828

電郵:facenews@nextmedia.com

facebook: Face Magazine inbox

line、 we chat id: facemagazine


鍾意就快D Share啦!