掃呢頁CODE去手機

2016年3月23日 星期三

反晒面 老公生癌後腦開刀 林雅詩冷淡:入院前先知! [FACE - 461] __,癌,林雅詩,MF,

11/3本月11日,林雅詩單拖現身浸會醫院,原來為探入院做開腦手術嘅老公溫文英。真面目反晒面 老公生癌後腦開刀 林雅詩冷淡:入院前先知!去年正式復出的林雅詩,經歷過與老公多次嗌交、自殘兼老公偷食被影斷正後,月前已正式入紙申請與結婚10年的捲閘太子溫文英離婚,近月努力登台接job,實行靠自己養起囝囝。本月11日林雅詩突然現身浸會醫院,原來係探離婚中的老公溫文英。據知溫文英入院做開腦手術,手術前還叮囑 ...


11/3

本月 11日,林雅詩單拖現身浸會醫院,原來為探入院做開腦手術嘅老公溫文英。

真面目

反晒面 老公生癌後腦開刀 林雅詩冷淡:入院前先知!

去年正式復出的林雅詩,經歷過與老公多次嗌交、自殘兼老公偷食被影斷正後,月前已正式入紙申請與結婚 10年的捲閘太子溫文英離婚,近月努力登台接 job,實行靠自己養起囝囝。

本月 11日林雅詩突然現身浸會醫院,原來係探離婚中的老公溫文英。據知溫文英入院做開腦手術,手術前還叮囑林雅詩要帶囝囝嚟探病,難得一家三口可以聚聚,點知囝囝坐未夠 15分鐘已經嗌走。似乎林雅詩真係好心淡喎!

雖然林雅詩和溫文英夫妻關係惡劣,去年 11月老公又偷食斷正,始終 10年夫妻關係,溫文英於月前發現後腦有腫瘤,加上頭痛次數越來越密,最終安排入院切除腫瘤做化驗,林雅詩在本月 11日亦有抽空探望。

19/3

剛做完手術,溫文英午餐去公司附近茶記食蒸魚送飯,清淡啲好!

溫文英雖然已用頭巾笠頭,但後頸位置仍見貼住膠布(箭嘴)。

身為捲閘店太子爺嘅溫文英每日都會返公司睇檔。

去年 11月,溫文英被影到收工後與人妻 Grace連環咀嘴,偷食斷正冇得抵賴。《蘋果日報》圖片

「唔想佢有事」

上週五( 18日)林雅詩在屋外回應時,稱自己未有深究前夫病情,態度很冷淡!

據知多月無見過囝囝的溫文英曾要求林雅詩帶埋阿仔到醫院探病,林雅詩翌日便帶埋囝囝去見前夫,點知囝囝坐一陣已經嗌住走。「嗰日林雅詩拖住個仔入嚟,可能係公眾人物啦,嚟到都即刻拉簾。對話唔多,聽到個男人叫個囝俾心機讀書,要聽話,不過阿仔應該掛住打機,淨係答『唔』,坐都未夠 15分鐘已經同阿媽講要走。」

上週五( 18日),林雅詩在西貢寓所外接受訪問,初時都對老公入院開腦一事封口,當記者表示知道溫文英狀況時唯有直認。「其實佢入醫院之前嗰日我至知㗎,我嗰日都有唔開心,始終咁多年夫妻,我都唔想佢有咩事。佢做咗手術㗎喇,開咗後面個頭嗰度,做咗手術開咗刀,但真係咩情況我真係未知住。」

「叫我照顧好個仔」

對於囝囝唔多願探溫文英,林雅詩就以醫院多菌作解釋,「仔仔喺醫院唔係好慣,所以有少少扭計,同埋多細菌,所以我覺得差唔多應該要帶佢走。(老公有冇喺病床講啲乜?)叫我照顧好我哋個仔仔。我只係做返我應該做嘅責任去帶仔仔去見佢。(離婚手續仲辦緊?)我呢邊就處理好晒,咁佢嗰邊就應該一啲都未處理嘅。」

05年與溫文英結婚,曾經都有甜蜜過,可惜第 11年已經辦緊離婚手續。(網上圖片)

向來都係一手一腳湊囝囝嘅林雅詩,正努力搵錢俾囝囝過最好嘅生活,積極爭取扶養權。《蘋果日報》圖片

單親媽媽搏命做

一早知道男人靠唔住,林雅詩早喺老公溫文英被揭偷食前已做好靠自己準備。雖然仍未搞掂離婚手續,不過林雅詩已經有條件養自己兼養埋囝囝,早前佢仲話會為咗囝囝唔再婚添!

《蘋果日報》圖片

寫真復出

化身 Super hero出寫真製造話題,形象雖然性感,不過仲有底線!仲想睇林雅詩三級演出? Sorry,林雅詩話:「為咗囝囝,只可以健康地性感」。

拍微電影

好在以前識落唔少好朋友,早前拍住海俊傑喺國內拍咗套微電影《變身愛》,正式殺入大中華地區。

密接騷

復出後接活動接到手軟,所謂密食當三番,早前仲有幸去到荷蘭領事屋企行騷,喺英國留過學嘅林雅詩同領事對話梗無問題

採訪、撰文:娛樂組

攝影:娛樂突發組


鍾意就快D Share啦!