掃呢頁CODE去手機

2016年5月19日 星期四

為咗賴慰玲 鄭嘉穎同珍姐開拖 [壹週刊 - 1367] __,珍姐,賴慰玲,鄭嘉穎,嘉穎,曾勵珍,M1,

娛樂偵訊為咗賴慰玲 鄭嘉穎同珍姐開拖大台重型製作電視劇《殭》,照被ViuTV打到殘,收視徘徊二十點,被指零演技的謝安琪被問責,甚至連對手鄭嘉穎都玩杯葛。唔likeB餐Kay,但對同劇的賴慰玲,鄭嘉穎則另眼相看,更因為對方,在高層飯局中跟曾勵珍開拖。情有獨鍾鄭嘉穎去年暫停賺人仔,返無綫接拍重頭劇《殭》,以為夥拍人妻謝安琪做情侶夠新意,點知男神女神溝唔埋兼反面;最大得着,反而是跟另一女角陳凱琳擦出真火 ...


娛樂偵訊

為咗賴慰玲 鄭嘉穎同珍姐開拖

大台重型製作電視劇《殭》,照被 ViuTV打到殘,收視徘徊二十點,被指零演技的謝安琪被問責,甚至連對手鄭嘉穎都玩杯葛。唔 like B餐 Kay,但對同劇的賴慰玲,鄭嘉穎則另眼相看,更因為對方,在高層飯局中跟曾勵珍開拖。

情有獨鍾

鄭嘉穎去年暫停賺人仔,返無綫接拍重頭劇《殭》,以為夥拍人妻謝安琪做情侶夠新意,點知男神女神溝唔埋兼反面;最大得着,反而是跟另一女角陳凱琳擦出真火,甚至將戀情公諸於世。

同陳凱琳拍劇變拍拖,但鄭嘉穎眼中並非只得一個,對演藝學院出身,主修演技的高材生賴慰玲,他同樣「情有獨鍾」。

據了解,早前大台搞定期聯誼飯局,一班藝人包括鄭嘉穎、黃宗澤以及曾勵珍等都有出席,席間,鄭嘉穎竟然因為賴慰玲而跟珍姐開拖。

「食飯嗰陣嘉穎係咁讚賴慰玲做戲好,話佢喺《殭》入面最有表現,扮乜似乜,其實做《 M Club》嗰轉,啲網民已經係咁話賴慰玲好戲,到《殭》出街,又讚佢扮巴渣港女做好得,尤其係把高八度嘅聲,好入型入格。見嘉穎讚咗成餐飯,珍姐可能覺得太誇張,俾咗幾句說話佢聽,兩個人就係咁你來我往互窒,搞到大家都唔敢俾反應。」知情者說。

在新一班藝人中,鄭嘉穎對賴慰玲零舍唔同,拍劇時多合照外,更次次笑容滿面。

《殭》劇宣傳活動,唔係親生女的賴慰玲,醒目企埋一邊唔會搶鏡。

打鐵趁熱

不過,好戲賴慰玲事後卻被曾勵珍召見,當面「了解」。

雖然唔係大台親生女,但賴慰玲近年所接的角色大部分都有發揮,甚至比公司班親生仔女戲份更多。

「連黃秋生都有公開讚過賴慰玲,話佢係後生版嘟姐(鄭裕玲),好有前途。珍姐見咁多人讚,公司啲監製又鍾意用,咪即刻搵佢傾偈,睇吓係咪可以簽長約力捧,免得夜長夢多,隨時益埋出面啲人。」知情者說。

對於備受無綫重用,早前出席《殭》活動時,賴慰玲不以為然。

「我都唔係無綫經理人合約,自己只係想拍劇,只要有監製欣賞,一定拍落去。嚟緊可能會再同無綫拍多一個劇,但出年就會做番一、兩套舞台劇。」賴慰玲說。

被大師級黃秋生公開稱讚的賴慰玲,早前也修讀他開的演技班。

拍《 M Club》時,賴慰玲扮後生張慧儀,已經被讚好戲有潛質。

撰文、攝影、攝錄:娛樂組


鍾意就快D Share啦!