卿卿早前舉家外遊，在夏威夷的Waikiki海灘玩樂。
性感女神葉玉卿早年下嫁美籍商人老公胡兆明（Jeffrey）後，先後誕下大女Victoria、大仔Jeffrey Junior（JJ）和細仔Jefferson，專心相夫教子。天生旺夫命的她助老公從超市打入銀行界，Jeffrey於2006年在紐約開設國際銀行，身家隨之暴漲，一家人過着富足生活。
卿卿拚搏多年後子女轉眼間已亭亭玉立，卿卿眼見17歲大女Victoria即將考大學，15歲的大仔JJ及細仔Jefferson亦即將各奔前程，家人相處時光更見珍貴，遂決定出售銀行生意，藉此換來更多時間與子女相處，卿卿說：「我同老公都步入中年，冇話放慢步伐定點，唔會再話要做乜大事業，銀行賣咗就做少樣，超市上晒軌道，唔使放太多時間去理。」
甘願做女兒攝影師
卿卿與Jeffrey早前舉家旅遊，卿卿為Victoria拍下不少水着靚相，自己則較少上鏡，她笑說：「自己都冇影到相，做咗佢嘅攝影師，做媽咪比做乜都難，莫講話做演員！以前做演員有人服侍，依家要服侍佢哋幾個，仲要睇佢哋面色同脾氣！」而盡得卿卿遺傳的Victoria樣靚身材正，至於年僅14歲的細仔Jefferson亦逐漸趕上腳步，卿卿自豪地說：「佢喺同學仔中都唔矮，好多外國同學都矮過佢！」
眼見子女日漸長大，卿卿坦言相處方式大有不同：「要尊重佢哋，聽佢哋意見，睇佢哋心情，唔係佢哋去尊重父母，慘過服侍女朋友！佢哋依家到咗Teenage，講乜就做乜，冇得再質疑佢哋，只可以提議，喺屋企都要好民主，冇得逼㗎！」
視仔女為最大成就
放下生意重擔的卿卿坦言視三個子女為最大成就：「只要佢哋平安開心，讀完書，做個好人，我就覺得任務完成！每年都有時間一家人一齊就好開心！」
來源 source: http://hk.on.cc
|
鍾意就快D Share啦！
|
|
|
