「我加入警隊嘅原因，係因為我覺得每個人心目中都有團火喺度，都係存在一個正義嘅追求。警務工作唔係我第一份工作，咁因為我喺唔同類型嘅工作裡面發現到自己有不足嘅地方，就係學歷不足，所以之後修讀毅進文憑課程，完成咗就正式考警務人員，亦都係一take過。」講呢番話嘅，係2009年落選亞姐林紫君。2013年，亞視強迫藝員接受洗腦式嘅「演藝訓練計劃」，林紫君一直抗拒上堂，試過上語言課時，認為課程無聊，忍唔住當眾爆粗戲弄導師問「XX懵懵食甜筒」嘅普通話講法，令導師震怒，而該導師，正是前亞視高層趙汝強個仔，於是遭投訴，亞視除警告林紫君外，亦拒絕與之續約。(新聞連結: http://bit.ly/29ub5IH )身高5呎5吋、擁有35.5吋D Cup身材的林紫君，因為咁而失業，仲開始走上人生另一條路——考警察。林紫君當日接受《蘋果》訪問時說：「我覺得上堂有好有唔好，應該分番畀啲有需要上（堂）先至去上，好似上堂教講廣東話，我唔係話嘥時間，但我覺得好似小朋友上堂學講廣東話咁囉。」是否不想上堂？林紫君：「我唔知，我就係唔想讀書先至做呢行之嘛！」訪問中，林紫君透露考慮轉行：「自己都知自己未夠學歷，點都去讀吓書，可能出年考警察囉！」估唔到真係坐言起行去咗考，受訓27周訓練後，正式當上女警，亦是昨日(9號)警察學院273名畢業警員中其中一人，並奪銀笛獎。剪了一頭短髮、膚色黝黑的林紫君，與女見習督察李梓琪一齊為警隊拍片，大談讀警校苦樂。林紫君自言最難忘係「寒冷天氣下步操，直到炎熱天氣下步操」，又表示嚟緊將會到前線工作，「希望可以學到唔同類型嘅嘢，同埋可以運用到學院所學嘅知識同技能，回饋社會服務市民。」又呼籲大家投考警察添。其實之前已有讀者報料稱林紫君報考警察，《蘋果》致電求證，林紫君稱:「唔好意思，我已經唔係呢行嘅人，唔方便回應。」估唔到當日力拒上亞視洗腦班嘅落選亞姐，竟然做咗警察。
|
鍾意就快D Share啦！
|
|
|
