熱爆娛樂: 【羅慧娟走得太早】無綫《書劍》男主角一劇玩完黎美嫻嫁國泰機長 _

2016年8月10日星期三

【羅慧娟走得太早】無綫《書劍》男主角一劇玩完黎美嫻嫁國泰機長 __,無綫,羅慧娟,黎美嫻,

29年前嘅《書劍恩仇錄》，除咗飾演香香公主嘅梁藝齡(前名梁珮玲)，o依家已經淡出幕前，唔少同劇主角，亦先後放棄幕前，有啲做生意，有啲就做全職家庭主婦。【彭文堅飾陳家洛】

飾演劇中男主角陳家洛嘅彭文堅，喺超級新星奪得冠軍後，即有機參演《書》劇，可惜劇中彭文堅近乎零表情嘅演繹，俾觀眾狂轟。劇集播到結局，亦都係彭文堅演藝事業走到盡頭嘅時候！放棄做演員後，47歲彭文堅曾經開設計公司，2012年，更成為上市公司中國融保(8090）副主席，而身形亦急促膨脹。感情方面，彭文堅09年與模特兒陳祉妤(原名陳沛嘉)結婚，但婚後一年男方被拍下偷食，12年二人宣佈離婚。【羅慧娟飾霍青桐】

同屬《書》劇新人嘅羅慧娟，比起梁藝齡同彭文堅，演繹活潑硬朗嘅霍青桐，廣為觀眾接受。之後羅慧娟演多套電視劇，唔少都係擔正做女角。99年羅慧娟潛水時遇意外耳膜受損，導致右耳只得兩成聽力，故無法再繼續演藝事業。

受嚴重耳鳴影響，羅慧娟患上抑鬱症，但得到丈夫劉志敏鼓勵，羅慧娟因而走出陰霾，可惜12年傳出患癌消息，同年病逝，令人惋惜。【黎美嫻飾李沅芷】

有第一古裝美人之稱嘅黎美嫻，拍完《書》後，仲拍過幾套經典古裝劇，包括《絕代雙嬌》同《連城訣》等，係大台古裝劇御用女主角。本身幕前事業如日中天，但90年代中期卻忽然淡出幕前，信奉基督教嘅佢，更出任院牧一職。

05年黎美嫻同任職國泰航空公司機長謝興肇結婚。【陳敏兒飾鴛鴦刀駱冰】

80代無綫當家花旦陳敏兒，除拍劇外，亦擔任大騷司儀，但90年代嫁俾智叔廖啓智後，逐漸淡出幕前，專心照顧老公囝囝，惜幼子廖文諾06年血癌病逝，令陳敏兒悲痛不已。

那些年的無綫劇，會精心製作小冊子，每本買$5。	一劇主角彭文堅	從商後變成咁…
彭文堅09年與模特兒陳祉妤(原名陳沛嘉)結婚，有傳男方欠債，女方一直患難相扶，可惜風雨過後卻傳出彭文堅偷食，兩人離婚收場。	翠羽黃衫霍青桐——羅慧娟	走得太早的娟妹。永懷你的善良。
鴛鴦刀駱冰陳敏兒與奔雷手文泰來(石修飾)		陳敏兒曾是無綫花旦，經典之作無數。自從與廖啟智結婚後歸於平淡，就連一頭白髮也懶得染，坦然接受變化。
黎美嫻飾演的李沅芷，對吳啟華飾演的余魚同一往情深。	嫻妹曾與梁朝偉拍拖，感情生活多姿多采。05年同任職國泰航空公司機長謝興肇結婚，夫妻恩愛。