2016年9月17日 星期六

【為返無綫吵大鑊】陳國邦怒插太太:羅敏莊你反口覆舌! __,無綫,羅敏莊,陳國邦,

【為返無綫吵大鑊】陳國邦怒插太太:羅敏莊你反口覆舌!2016-09-1717:14:00HKT陳國邦回巢大台,被鬧反口覆舌。羅敏莊接受商台訪問。陳國邦去年曾離開效力15嘅大台。羅敏莊日前接受商台訪問,提到去年10月,老公陳國邦喺社交網絡突然發佈一封名為「給無綫電視的公開信」,宣佈要離開效力十五年嘅無綫(新聞連結:http://bit.ly/2d1JYWF)。但事隔兩個月,陳國邦又突然宣佈回巢,夥拍 ...


【為返無綫吵大鑊】陳國邦怒插太太:羅敏莊你反口覆舌!

2016-09-17 17:14:00 HKT



陳國邦回巢大台,被鬧反口覆舌。



羅敏莊接受商台訪問。







陳國邦去年曾離開效力15嘅大台。



羅敏莊日前接受商台訪問,提到去年10月,老公陳國邦喺社交網絡突然發佈一封名為「給無綫電視的公開信」,宣佈要離開效力十五年嘅無綫(新聞連結:http://bit.ly/2d1JYWF )。

但事隔兩個月,陳國邦又突然宣佈回巢,夥拍毛舜筠拍攝處境劇《愛.回家之八時入席》,好多網民都話陳國邦反口覆舌。對於網民嘅指控,羅敏莊卻「一力承擔」,話佢要負上全責。佢話:「罪魁禍首一定係我!呢件事阿邦真係拒絕咗好多次,我都同佢商量咗好多次,毛姐(毛舜筠)打過好多次電話嚟話:『如果陳國邦唔做,我都唔做喇!』我相信毛姐唔會隨便同其他人講呢句話,我話係一份情義,係我同毛姐一齊說服佢嘅。」

羅敏莊仲話,佢哋兩公婆更因為回巢呢件事而鬧交添,當時陳國邦咁同羅敏莊講:「當初係你叫我離開嘅,羅敏莊你反口覆舌!」咁佢哋兩公婆就為呢件嘈咗好多次交,羅敏莊話:「所以大家要鬧就鬧我!反口覆舌係我!」剛烈如羅敏莊,單憑呢一句,足證佢真係有幾愛阿邦。


鍾意就快D Share啦!
Related Posts Plugin for WordPress, Blogger...