麥明詩(Louisa)同林作嘅關係真係欲斷難斷，上星期麥明詩先被人影到喊爆講電話，又向友人流淚證分手。點知，噚晚中秋佳節，人月兩團圓，麥明詩又同林作玩合體，前後腳現身中國會，麥明詩見到記者時仲表現到慌失失，講唔係同林作食飯，但俾林作母親唔小心爆咗確係「一家人食飯」(新聞連結: http://bit.ly/2cToczV )咁究竟佢哋依家關係點？真係有啲複雜。據了解，麥明詩同林作係堅分手，仲要係分過N咁多次，但每次麥明詩好快就衰心軟，畀林作氹番掂。但上星期兩人被爆分手見晒報，搞到一向視麥明詩做新抱仔嘅林媽媽Lily大為緊張，聽到麥明詩決絕要同阿仔講分手，即刻由北京飛返香港幫阿仔箍煲，據知今次仲出動埋住係深圳嘅婆婆，話老人家好耐冇見Louisa，想一家人食餐飯！《蘋果》就聯絡到林媽媽，被問係咪幫手箍煲？Lily在短訊回覆謂﹕「中秋人月團圓夜！祖孫三代歡聚一堂，好耐無見阿詩了，婆婆中秋來港，盛情邀請下阿詩匆忙趕過來見咗一粒鐘，節日的快樂！友誼常在！大家度過咗一個愉快的中秋。」麥明詩同林作就一直冇聽電話。
來源 source: http://hk.apple.nextmedia.com
|
鍾意就快D Share啦！
|
|
|
