掃呢頁CODE去手機

2016年9月17日 星期六

謝安琪佗B女 張繼聰日日陪實老婆 __,繼聰,謝安琪,張繼聰,

開心到爆炸嘅張繼聰,喺社交網公布老婆謝安琪有喜!歌手謝安琪(Kay)早前宣布休息一年,神隱幕前嘅佢,多次被拍得肚凸逼爆衫,原來係偷偷佗B女,老公張繼聰今日更親證消息,更指太太預產期係下年四、五月㖭,真係可喜可賀!!張繼聰正式宣布再做老竇張繼聰於社交網上載謝安琪肚皮照,話好期待與自己嘅小公主見面,正式宣布又做老竇:「成日畀人問到口啞啞,終於可以好正面咁宣佈(布)一件好正面嘅事!我又做爸爸啦!我會繼續 ...


開心到爆炸嘅張繼聰,喺社交網公布老婆謝安琪有喜!歌手謝安琪(Kay)早前宣布休息一年,神隱幕前嘅佢,多次被拍得肚凸逼爆衫,原來係偷偷佗B女,老公張繼聰今日更親證消息,更指太太預產期係下年四、五月㖭,真係可喜可賀!!張繼聰正式宣布再做老竇張繼聰於社交網上載謝安琪肚皮照,話好期待與自己嘅小公主見面,正式宣布又做老竇:「成日畀人問到口啞啞,終於可以好正面咁宣佈(布)一件好正面嘅事!我又做爸爸我會繼續 ...


開心到爆炸嘅張繼聰,喺社交網公布老婆謝安琪有喜!

歌手謝安琪(Kay)早前宣布休息一年,神隱幕前嘅佢,多次被拍得肚凸逼爆衫,原來係偷偷佗B女,老公張繼聰今日更親證消息,更指太太預產期係下年四、五月㖭,真係可喜可賀!!

張繼聰正式宣布再做老竇

張繼聰於社交網上載謝安琪肚皮照,話好期待與自己嘅小公主見面,正式宣布又做老竇:「成日畀人問到口啞啞,終於可以好正面咁宣佈(布)一件好正面嘅事!我又做爸爸我會繼續愛錫太太!多謝大家嘅祝福!.....期待與我的小公主見面♥️」

太太害喜反應大 張繼聰全天候悉心照顧

《東網》第一時間致電張繼聰,佢語帶興奮地表示好開心,仲話之前咁口密,係因為BB未夠三個月,所以佢都唔講得!問到又要賺錢養家、又要照顧太太,會否壓力好大:「都唔算大,不過最近嘅通宵工作已經完成,依家可以日日陪住太太。」提到Kay上次懷孕已是十年前,張繼聰勁讚太太依家同十年前一樣後生:「佢依家都好乖,日日留喺屋企休息,因為今次佢反胃、害喜嘅反應大過上次好多,不過佢依家冇再好似早排咁成日嘔。其實生仔生女都冇所謂,今次湊成一個『好』字,最緊要BB健康!」

笑指唔適應Kay佗B女

張繼聰又笑指對於Kay佗B女唔太適應:「因為我全個家族差不多都係仔,依家結咗婚,有太太,同埋工人姐姐,仲有B女,儲女儲得愈嚟愈多!」問到今次一擊即中,張繼聰指多得《東網》經常幫手催谷,又請堪輿學家幫手分析,搞到愈來愈多人講,吸引力法則加速事成。

同仔仔做足心理輔導

提到仔仔張瞻下年便十歲,有否與仔仔討論即將誕生的妹妹,張繼聰表示會一視同仁:「我有同佢傾過,同佢講妹妹就嚟出世,唔會分薄父母對佢嘅愛,依家佢係哥哥嚟㗎喇!」


來源 source: http://hk.on.cc
鍾意就快D Share啦!