2017年3月23日 星期四

包 Sir爆肌外孫彈出 [壹週刊 - 1411 - 財經] __,M1,

吳宗權有別於兩位表哥及表弟,按中國人的傳統跟父親吳光正姓吳。中環人語包Sir爆肌外孫彈出已故船王包Sir外孫吳宗權熱愛運動,其「爆肌」身形睇到唔少女士 ...


吳宗權有別於兩位表哥及表弟,按中國人的傳統跟父親吳光正姓吳。

中環人語

包 Sir爆肌外孫彈出

已故船王包 Sir外孫吳宗權熱愛運動,其「爆肌」身形睇到唔少女士眼擎擎,近日包 Sir另一外孫乘勢彈出,為推廣其大坑 Boutique酒店—— Little Tai Hang而拋個身出嚟,嘩,呢位包 Sir三女包陪麗與日籍丈夫 Watari Shinichiro所生嘅 Tommy Watari Pao,中文名叫包建雄(跟外公姓包), Tommy仔好 casual穿上 T shirt一件、穿窿牛仔褲一條,已盡顯其健碩身材,平日一定勤操,一啲都唔輸蝕俾表哥吳宗權;相信是城中另一炙手可熱鑽石王老五;包 Sir另一個孫 Andreas Sohmen- Pao仲把炮,○八年以三十七歲之齡成為香港滙豐銀行非執董,可見包 Sir與獅子銀行關係幾咁深厚,所以話跟外公姓又點話呢?

包建雄是包玉剛的外孫,是其家族公司康世國際董事,其位於大坑的酒店 Little Tai Hang即將開幕。

Andreas Sohmen- Pao負責船務港口業務,長駐新加坡。

已故船王包玉剛有四名女兒,(後排由左至右)包陪慶、包陪容、包陪麗、包陪慧。

睇唔出林鄭死阿媽

林鄭「好打得」呢個朵,源自佢出任發展局局長之時,當時林鄭都非常「入戲」,將呢個朵發揮得淋漓盡致,即使死阿媽,都依然「 work hard」,話說林鄭阿媽林鳳蘭,二○一○年二月廿二日在將軍澳靈實寧養院過身,隔咗一日,即二月廿四日林鄭已經開工,以發展局局長身份出席市建局重建馬頭圍道之記者會,沒露半點愁容,官場中人當日話完全睇唔出佢死阿媽,非常「硬淨」,連喪母哀傷之情感都可以暫且拋開!

二○一○年二月廿四日,林鄭月娥以發展局局長身份與時任市建局主席張震遠出席新聞發布會,沒露半點哀傷。

林鄭月娥母親林鳳蘭於二○一○年二月廿二日過身,享年八十二歲。

中環寸嘴 豉油王好彩姓王

呢排人人 talk馬會,都要出席吓旗下活動,上週五沙田有「扑馬」——馬匹拍賣活動,即管去坐吓,不過都係啲馬會忠實擁躉先去「扑」嘅啫,免俾練馬師食價嘛,我見到朋友啲仔女養馬,我焗住同人夾份做埋馬主陪跑,都要掛住個馬主牌,揈吓揈吓咁。

週日寶馬打吡大賽,喺馬場撞到同珍醬園太子爺 Jimmy(王賜豪),佢話:「吖,點解今期寫我老豆(同珍醬園老闆王仲銘)。」豉油王——王仲銘同我老豆一齊闖蕩江湖,我仲記得喺老豆靈堂上,掛住豉油王對輓聯,寫住「你我任中華」,以為咩大中華,其實係中華酒樓夜總會,真係唔識俾佢嚇死,識就笑死,以前年年會送啲豉油同埋嘉應子俾我哋,叫我哋「嗒」清楚,吩咐指明係頭抽,老豆話齋好有「飛士」,仲話如果個個咁送法,一年慳唔少,我亦「優化」老豆庭訓,得閒攞唔少「 sample」試用試食,所以我大有資格做代理,無計,呢啲職業病,豉油王都好鬼有腦筋,樂善堂揸旗時,打完仗之後將善長捐出嚟嘅地皮、舊樓重建再出租,將租金俾樂善堂營運,所以話樂善堂唔使揼人心口都搞得掂,老實講,豉油王精髓亦係醬園變地產,反而醬油變咗副業,好彩佢姓王,家陣仍稱得上「豉油王」。

我仲銘記豉油王以前送來的頭抽和嘉應子,可惜往事只能回味。

樂善堂有物業收租作營運,多得王仲銘有頭腦。

貴為馬會「 Eating Member」,有冇大口青 style先?

楊國佳

工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

孫仔較勁 郭老太老懷安慰

前新地聯席主席郭炳江重獲自由後,未有參與公司業務,不過阿仔郭基煇( Adam)對老父親自領軍投來的上海徐家匯項目十分上心,這幅上海地王是郭炳江一三年以二百七十六億投得的,聽講 Adam好想參與此項目的規劃;仲想住宅比例佔多些,話晒阿媽梁潔芹坐鎮建築部,梗係想帶住囝囝做嘢,然而郭炳江服刑後,公司由叔仔郭炳聯揸弗,在規劃上傾向以商業為主;咁郭炳聯囝囝郭基泓( Christopher)主理國內商用物業銷售、管理及租務,咁又有發揮機會喎,新地第三代如此投入,爭住為家族效力,唔會話咬住牙籤印印腳做少爺仔,郭老太老懷安慰。

新地第三代陸續入局接班,郭基泓(左)是郭炳聯兒子,郭基煇(右)是郭炳江兒子。

位於上海徐家匯的地王,是二○一三年郭炳江御駕親征投得。

今年將八十八歲的郭老太鄺肖卿。


鍾意就快D Share啦!
Related Posts Plugin for WordPress, Blogger...