網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月17日 星期六

【女神封盤】與王浩信劃清界線 江嘉敏認愛有米電競男 __,江嘉敏,王浩信,女神,

江嘉敏與Anthony拍拖僅兩個多月,便大方公開戀情。(ig圖片)
24歲被封新一代「宅男女神」嘅江嘉敏,最近喺台慶劇《兄弟》中飾演女保鑣,與王浩信做一對歡喜冤家。劇中王浩信經常拿江嘉敏嘅身高來取笑,笑佢係中童身材,戲 ...


24歲被封新一代「宅男女神」嘅江嘉敏,最近喺台慶劇《兄弟》中飾演女保鑣,與王浩信做一對歡喜冤家。劇中王浩信經常拿江嘉敏嘅身高來取笑,笑佢係中童身材,戲外就傳二人有曖昧關係,指江嘉敏明知王浩信有家室仍主動獻殷勤,又私下與對方傳短訊。



為證明「清白」,江嘉敏近日接受周刊訪問時決定公開戀情,承認與一位圈外男士拍拖兩個多月,宣佈女神封盤!據悉江嘉敏嘅男友Anthony年約30歲,係電競公司高層,二人在麻雀枱上認識。江嘉敏指今年農曆新年,在朋友聚會中認識Anthony,由於自己唔識打麻雀,江嘉敏一直坐喺Anthony身邊「學嘢」,仲好運財童子,令對方食咗一鋪嚦咕嚦咕。江嘉敏自認脾氣差,係男友嘅耐性同細心改變咗佢。對於與王浩信嘅緋聞,江嘉敏亦感到好無辜,拍劇以外,一度與劇組所有人拒絕交談,自知唔夠專業,最後要劉穎鏇安慰,先唔再鑽牛角尖。



江嘉敏今日接受傳媒訪問時大讚男友話﹕「佢份人係幾細心同幾有耐性。」問到擔唔擔心趕走宅男fans?江嘉敏話﹕「其實拍拖係每個人必經階段,係令人成長其中一環,唔係殺人放火,又冇乜嘢會令人驚嚇嘅。」江嘉敏話男友好怕羞,所以自己嘅ig就冇放同男友合照,反而男友嘅私人ig就不停放閃,連頭像都係用同江嘉敏嘅頭貼頭合照放閃。據聞Anthony家底唔錯,家住太子道西價值千多萬港元豪宅,平時以寶馬房車代步,可以做江嘉敏嘅柴可夫司機,隨傳隨到。



而在《兄弟》中,江嘉敏終於唔使做學生妹,當然好開心,佢話﹕「我唔使打得好犀利,算係輕鬆嗰個,主要工作就係逃跑,我就嚟可以練成短跑選手,哈哈。」







精選娛聞,喺晒《娛果》 http://fb.com/appledailyent



江嘉敏與Anthony拍拖僅兩個多月,便大方公開戀情。(ig圖片) 熱戀期,當然係甜到漏。(ig圖片) 熱戀期,當然係甜到漏。(ig圖片)
《兄弟》中,王浩信同江嘉敏係歡喜冤家。

《兄弟》中,王浩信同江嘉敏係歡喜冤家。
王浩信仲玩壁咚,搞到江嘉敏勁尷尬。(無綫電視截圖)

王浩信仲玩壁咚,搞到江嘉敏勁尷尬。(無綫電視截圖)
江嘉敏因為與王浩信傳緋聞搞到心情低落,要劉穎鏇安慰。 (ig圖片)

江嘉敏因為與王浩信傳緋聞搞到心情低落,要劉穎鏇安慰。 (ig圖片)

鍾意就快D Share啦!


Related Posts Plugin for WordPress, Blogger...